सरकारले भन्यो लकडाउनबारे छलफल भएको छैन्

खोज पत्रिका बिहिबार, २०७७ साउन २२, १७ :५५ बजे

काठमाडौं । सरकारले तत्काल लकडाउनबारे छलफल नभएको जनाएको छ । सरकारका प्रवक्ता युवराज खतिवडाले तत्काल लकडाउनको सम्भावना नरहेको जानकारी दिएका हुन् । प्रधानमन्त्री केपी शर्मा ओलीलाई विज्ञहरुले दिएको सुझाव दिएपनि पछिल्लो ६ महिनाको तथ्यांक देखाउँदै मान्छेलाई मार्ने रोगहरुको सूचीमा कोरोना ५० औँ नम्बरमा देखाउनु भएको छ अर्थात धेरै मान्छे अरु नै कारणले मरिरहेको भन्दै लकडाउनबारे छलफल नभएको बताएका हुन् ।

अहिलेको अवस्थामा जनताको स्वास्थ्यलाई मात्र नभएर आर्थिक अवस्थालाई पनि हेर्नुपर्ने स्थिती रहेको खतिवडाले बताए। अर्थमन्त्रीसमेत खतिवडाले भने चैत १० गते सरकार जुन हिसाबले लकडाउनमा जाने निर्णयमा पुगेको थियो, त्यो तरिकाले अहिले सोचेको छैन। कोरोना संक्रमण बढी भएको ठाउँमा कडाइ भने गरिन्छ। यो काम जिल्ला प्रशासन र स्थानीय निकायको भएको उनले जानकारी दिए ।

क्याटेगोरी : देश/दुनियाँ, राजनीति, समाचार