कोरोना कहर : माक्स नलगाउनेलाई पक्राउ गर्न गृहको पत्राचार

खोज पत्रिका सोमवार, २०७७ साउन १२, १८ :४६ बजे

काठमाडौं । कोरोनाबाट संक्रमित हुनेको संख्या नघटेपछि सरकारले माक्सविना कसैलाई पनि घरबाहिर निष्कन नदिने रणनिति अवलम्बन गरेको छ । भीडभाडमा भौतिक दूरी कायम नहुदा बढ्ने जोखिमलाई ख्याल गर्दै गृह मन्त्रालयले मास्कको प्रयोग नगर्ने विरुद्ध कडा रुपमा प्रस्तुत हुन निर्देशन दिएको हो । ७७ वटै जिल्ला प्रशासन कार्यालय र नेपाल प्रहरीलाई निर्देशनात्मक परिपत्र जारी गर्दै गृहले मास्क प्रयोग नगर्नेविरुद्ध कडा रुपमा प्रस्तुत हुन गृहले निर्देशन दिएको छ । मन्त्रालयले मास्क लगाउनेलाई पक्राउ गर्न भनी यसअघि जारी गरिएको निर्देशन कडाइका साथ लागू गर्न भनेको छ ।

पछिल्लो समय जनस्तरबाट लापरबाही बढेकाले जोखिम बढ्न सक्ने उल्लेख गर्दै परिपत्र जारी गरिएको गृहले जनाएको छ । अब कारबाहीको विवरण समेत दैनिक रुपमा हरेक जिल्ला प्रशासन कार्यालयले गृह मन्त्रालयमा बुझाउनुपर्ने भएको छ । कोरोना भाइरसको संक्रमण कायमै रहदा सरकाले लकडाउन अन्त्यको घोषणा गरेसँगै विना मास्क बजारमा निश्किनेहरु बढ्न थालेका छन् । मास्क नलगाएको आरोपमा पक्राउ पर्ने व्यक्तिविरुद्ध संक्रामक रोग नियन्त्रण ऐन अनुसार कारबाही प्रक्रिया अघि बढाइनेछ ।

क्याटेगोरी : प्रमुख समाचार, राजनीति, समाचार
ट्याग : #माक्स