दुई तिहाई बढीले नेपालको संविधान संशोधन भएपछि देशभर खुशियाली

खोज पत्रिका आइतवार, २०७७ जेष्ठ ३२, ०७ :३८ बजे

काठमाडौं । संघीय संसदको प्रतिनिधिसभाले निशान छापमा नेपालको नयाँ राजनीतिक नक्सा प्रयोग गर्ने विधेयक पारित गरेपछि देशभर खुशियाली मनाइएको छ । निशान छापमा नयाँ नक्सा राख्न संसदमा प्रस्तुत भएको संशोधन विधेयक दुई तिहाइ भन्दा बढी मतले पारित भएपछि उपत्यकासहित देशभर खुशियाली मनाइएको हो । लिम्पियाधुरा, कालापानी र लिपुलेक क्षेत्र समेटिएको नेपालको नयाँ राजनीतिक नक्सालाई शनिबार निशान छापमा प्रयोग गर्ने सम्बन्धि विधेयकलाई प्रतिनिधिसभाले सर्वसम्मत पास गरेको थियो । योसँगै उपत्यकाको माइतिघर मण्डला लगायतका ठाउँहरुमा उपस्थित सर्वसाधारणहरुले सडकमा नेपालको नक्सा बनाएर मनाएका हुन् । त्यस्तै, दाङको घोराहीमा पनि संशोधन बिद्येयक पारित भएपछि दीपप्रज्वलन गरियो ।

प्रतिनिधिसभाको बैठकमा उपस्थित २ सय ५८ जना सांसदहरुले संविधान संशोधन विधेयकको पक्षमा मतदान गरेका थिए । संसदमा नेताहरु समेत एकढिक्का भएपछि खुशीयाली मनाएका हुन् ।