धेरैलाई कोरोना पोजेटिभ देखिएपछि क्वारेन्टाइनमै कुटिए स्वास्थ्यकर्मी

खोज पत्रिका बुधबार, २०७७ जेष्ठ २१, २३ :४६ बजे

काठमाडौं । रौतहटमा स्वास्थ्यकर्मी कुटिएका छन् । रौतहटको राजपुर नगरपालिका ९ मा रहेको बैरीया क्वारेन्टाइनमा स्वास्थ्यकर्मीहरु माथि कुटपिट भएको हो । ठुलो संख्यामा आएका गाउलेहरु र क्वारेन्टाईनमा रहेका ब्यक्तीहरुले स्वास्थ्यकर्मी शेख खुरसैदलाई रक्ताम्य हुने गरी कुटेका हुन् । उनको टाउकोमा गम्भिर चोट लागेको छ । अन्य स्वास्थ्यकर्मीको पनि हात भाचिने गरी कुटपिट गरिएको छ ।

क्वारेन्टाइनमा बसेकाहरु चेकजाँच गर्दा अधिकांशको कोरोना पोजेटिभ देखिएपछि गलत चेकजाँच गरेको भन्दै कुटपिट गरिएको हो । क्वारेन्टाइनमा बसेका मात्रै होइनन् स्थानीय गाउँले समेत स्वास्थ्यकर्मी कुटपिटमा संलग्न छन् । यसले झन् क्वारेन्टाइनमा रहेका ब्यक्तीहरुको कोरोना जाँचमा कठिन भएको छ ।

क्याटेगोरी : देश/दुनियाँ, प्रमुख समाचार, समाचार
ट्याग : #स्वास्थ्यकर्मी कुटिए