आगोलागीमा एक जना महिलाको मृत्यु

खोज पत्रिका शनिबार, २०७७ जेष्ठ ३, १९ :०५ बजे

रुकुम पश्चिम ३ जेठ । जिल्लाको आठबिसकोट नगरपालिका वडानम्बर –३, खदिकी ३५ वर्षिया लाली बोहरा देवकोटाको आगलागीमा परेर मृत्यु भएको छ । डम्बर देवकोटाको ३ तले घरमा अकस्मात आगोलागी हुँदा भान्सा कोठामा खाना बनाईरहेकी बोहराको मृत्यु भएको जिल्ला प्रहरी कार्यालय रुकुम पश्चिमले जनाएको छ । घरमा स्टोर गरेर राखिएको पेट्रोलियम पदार्थ लिक भई आगोलागी भएको हो । आगोलागीबाट घरका सम्पुर्ण सामग्री जलेर नष्ट भएको प्रहरीले बताएको छ । प्रहरी र स्थानीयबासीले आगो नियन्त्रणमा लिएका थिए ।

क्याटेगोरी : देश/दुनियाँ, समाचार
ट्याग : #आगलागीमा परेर मृत्यु