नेपालमा थप दुई जनामा कोरोना पोजेटिभ, संक्रमितको संख्या ५१ पुग्यो

खोज पत्रिका आइतवार, २०७७ बैशाख १४, १३ :०२ बजे

काठमाडौं १४ बैशाख । नेपालमा थप दुई जनामा कोरोना भाइरस संक्रमण भएको पुष्टि भएको छ । वीरगञ्जमा महानगरपालिका ३ र १६ का ५० बर्षिय पुरुषमा कोरोना पुष्टि भएको हो । कोरोना संक्रमित भारतीय जमातीहरुको सम्पर्कमा रहेकाहरुको परीक्षणका क्रममा छपकैयाका महानगरको सरसफाइ शाखामा कार्यरत कर्मचारीमा संक्रमित भेटिएको हो । अर्का भने संक्रमित घुसुकपुरका पुरुष हुन् । उनलाई सिद्धार्थ माविको क्वारेन्टाइनमा राखिएको थियो । दुबैलाई नारायणी अस्पतालमा भर्ना गरिएको छ ।यी दुई संक्रमितसँगै नेपालमा कोरोना संक्रमितको संख्या ५१ पुगेको छ । बीरगञ्जमै उपचार गराइरहेका ४ जना भने निको भएर घर फर्किएका छन् ।