कुहिएको राहत बाढ्ने मेयर पक्राउ

बारा ९ बैशाख । लकडाउनका कारण समस्यामा परेका बिपन्न तथा ज्याला मजदुरी गरी साँझ र बिहान छाक टार्न कष्ठकर छ । जसलाई सहज बनाउन सरकारले स्थानीय सरकारलाई राहत बाढ्न निर्देशन दियो । तर, जनप्रतिनिधि नै कुहिएको राहत बाढेको आरोपमा पक्राउ पर्न थालेका छन् । कुहिएको कुहिएको दाल बितरण गरेपछि जिल्लाको कलैया उपमहानगरपालिकाका मेयर राजेश राय पक्राउ परेका छन् । यसअघि पक्राउ परेका आठै जनाले मेयर रायको कोल्ड स्टोरबाट दाल खरिद गरेको बयान दिएपछि मेयरलाई नै पक्राउ गरिएको प्रहरीले बताएको छ । कालोबजारी ऐन अन्तर्गत दर्ता भएको मुद्दाको अनुसन्धानको क्रममा मेयर यादवलाई मंगलबार प्रहरीले नियन्त्रणमा लिएको हो ।

कलैया उपमहानगरपालिकाले लकडाउनबाट समस्यामा परेका अति विपन्न परिवालाई कुहिएको दाल राहतमा वितरण गरिएपछि प्रहरीले अनुसन्धान गरि कालोबजारी मुद्दा दर्ता गरी कारवाही प्रक्रिया अघि बढाएको थियो । राहतमा वितरण गर्नको लागि दाल स्टोर गरिएको कलैया उपमहानगरपालिका वडा नम्बर ७ मा रहेको यादव कोल्ड स्टोरमा राखिएको ३ सय ८० बोरा दाल नियन्त्रणमा लिई प्रहरीले स्टोरलाई शिल समेत गरेको छ । प्रहरीले त्यहाँ स्टोर गरिएको दालको नमुना लिएर खाद्य प्रविधि तथा गुण नियन्त्रण प्रयोगशाला हेटौँडामा परीक्षणको लागि पठाएको दाल गुणस्तहीन रहेको प्रमाणित भएलगतै मेयरलाई नियन्त्रणमा लिएइएको हो ।

थप समाचार

संसद, सिंहदबार जलाउनेहरुलाई महानायकको रुपमा प्रश्तुत गरिएको थापाको आरोप

एमसीसी खारेज गर्न हर्कराज राईको माग

भदौ २३ र २४ गते घटनाका दोषीलाई कारवाही हुनुपर्छः कांग्रेस

संसदको बैठकमा रविको सन्देशः संख्याकै बलमा प्रतिशोध हुँदैन, सुशासनको वेग…

सरकारी विज्ञापन सरकारी सञ्चारमाध्यममा मात्र प्रकाशन गर्न सरकारको पत्राचार,पत्रकारहरुको बिरोध

काठमाडौं महानगरले वैशाख १ देखि रात्रिकालीन बस सेवा सञ्चालन गर्ने