भृकुटीमण्डपको जुत्ता चप्पल मेलामा ग्राहकको घुँइचो

खोज पत्रिका सोमवार, २०७६ फाल्गुन ५, ११ :२७ बजे

काठमाडौं ५ फागुन । स्वदेशमा उत्पादित जुत्ता चप्पलको बजार प्रर्बद्धनका लागि आयोजना गरिएको जुत्ता चप्पल मेलामा ग्राहकको घुँइचो लागेको छ । बालबालिकादेखि बृद्धबृद्धासम्मको रोजाईमा रहेका जुत्ता चप्पल एकै ठाउँ काठमाडौंको भृकुटीमण्डपमा पाइने भएपछि मेलामा ग्राहकहरुको घुँइचो लागेको हो । नेपालमा उत्पादन गर्ने कम्पनीहरु शिखर शुज, वीएफ डीएरहील, ल्यान्डवाक, रन शुज र शुल्याण्डका उत्पादित जुत्ता चप्पल मेलामा राखिएको छ । करिब दुई हजार मोडलका जुत्ता चप्पल राखिएको छ ।

मेलामा एक सयदेखि एक हजारसम्मका चप्पल र २ सय ५० देखि आठ हजार सम्मका जुत्ता पाइन्छन् । मेलामा १५ देखि ५० प्रतिशतसम्म छुट दिइएको ल्यान्डवाक सौरव श्रेष्ठले जानकारी दिए । नेपाली उपभोक्ताहरुको सरदर आय तथा आमउपभोक्ताहरुको रुचिलाई मध्यनजर गरी उत्पादन गरिएका उत्पादनहरु अत्यन्त आर्कषक र सुलभ मूल्यमा पाइने आयोजकले दाबी गरेको छ ।