प्रेम प्रस्ताव नस्वीकारेको भन्दै वीरगंजमा स्कुल जाँदै गरेकी छात्रामाथि एसिड प्रहार

पर्सा २० भदौ । वीरगंजमा विद्यालय जाँदै गरेकी एक किशोरीमाथि एसिड प्रहार भएको छ । वीरगंज महानगरपालिका २ छपकैया घर भएकी त्रिभुवन हनुमान माध्यमिक विद्यालय रेसम कोठीमा कक्षा ९ मा अध्ययनरत मुस्कान खातुनमाथि छिमेकी युवकले एसिड प्रहार गरेका हुन् । खातुनमाथि छिमेकी युवक समसाद मियाँले एसिड प्रहार गरेका हुन् । घरबाट करिब १ किलोमिटर पूर्व उत्तरमा रहेको विद्यालयमा जाने क्रममा बिहान ६ बजेर १५ मिनेटमा सीता हस्पिटलको गल्लीमा समसाद र उनका साथी मजिद आलमको समूहले खातुनमाथि एसिड प्रहार गरी भागेका थिए । घटनापछि प्रहरीले एसिड प्रहार गर्ने सम्सादलाई नियन्त्रणमा लिएको छ । घटनामा संलग्न अर्का मजिद आलमको खोजी भइरहेको पर्सा प्रहरीले जनाएको छ । एकपक्षीय प्रेमका कारण एसिड प्रहार भाएको प्रहरीको प्रारम्भिक अनुसन्धानको निष्कर्ष रहेको छ । एसिड प्रहारबाट किशोरी मुस्कानको गाला र जीउमा पोलेको छ । उनको वीरगंजको नारायणी अस्पतालमा प्राथमिक उपचारपछि थप उपचारका लागि काठमाडौं ल्याइएको छ ।

थप समाचार

बजेटमाथिको छलफल कर्मकाण्डी भएको ओलीको टिप्पणी

मनसुन शुरु भएसँगै मेलम्चीका स्थानीयबासीमा त्रास

ग्यालरी बैठक सांस्कृतिक र पुरातात्विक स्वरूप झल्किने बनाउ

प्रधानमन्त्री बालेन्द्र शाहले दिएको सीमा सम्बन्धी अभिव्यक्तिबारे प्रतिपक्षले मागे जवाफ

खर्च कटौतीका एक दर्जन प्रश्तावः बजेटमाथि विपक्षी सांसदका प्रश्नैप्रश्न

काठमाडौं महानगरको आर्थिक वर्ष २०८३/८४ को नीति तथा कार्यक्रम पारित