फोहोर नदी किनारमा पखालिने सफा सागसब्जी

काठमाडौं १९ भदौ । राजधानीका पसल तथा फुटपाथमा राखिएका हरियो सागसब्जी किनेर खाँदै हुनुहुन्छ भने अब सोच्नैपर्ने भएको छ । सागसब्जी राम्रोसँग पखाल्नुभएको छैन भने तपाइमाथी संक्रमणको जोखिम बढ्न सक्छ । आखिर सागसब्जी कस्तो ठाउँमा पखालिन्छ त त्यो हेर्दा खानै मन लाग्दैन ।
काठमाडौंको कागेश्वर मनोहरा नगरपालिकामा रहेको मनोहरा खोला । खोला कस्तो बगिरहरहेको छ । खोलामा ढल तथा फोहोर बगिरहेको छ । जसका कारण खोलाको छेउमै जान समेत कठिन पर्छ । तर, यहि खोलाको किनारमा राजधानीमा बिक्री बितरण हुने हरियो सागसब्जी यसरी पखालिन्छ । ताजा ताजा बजारमा ल्याइने सागसब्जी, धनीया, मुला तथा अन्य तरकारी बेलुका र बिहान पखाल्नेहरुको भिड नै लाग्छ । बारीबाट टिपेर चिसो बनाउने तथा हरियो बनाइराख्नका लागि यहि खोलामा किसान तथा ब्यापारी पुग्ने गर्छन् । खोलाको किनारमै यसरी सागसब्जी पखालेको देखेपछि हामी सोही स्थानमा पुग्यौं । तर, क्यामराले दृश्य कैद गर्न नदिएपछि हामीले स्टिङ ग¥यौं । उनीहरु भन्दै थिए राम्रो पानी भए पो तरकारी पखाल्नु । सधैं यहि खोलामा आएर तरकारी पखाल्ने गरेको उनीहरुले सुनाए । खोलामा तरकारी पखालेपछि बजारसम्म ओसार–पसारका लागि गाडी समेत नजिकै आइपुग्छ र यसरी तरकारी गाडीमा राखिन्छ । यो हामीले एउटा उदाहरण मात्रै प्रस्तुत गरेका हौं । मनोहरा खोलामा मात्रै होइन राजधानीमा बिक्री बितरण गर्ने अधिकांश तरकारी नदी तथा खोलामा यसरी नै पखालिन्छ । फोहोर, ढल निकास गरिएका खोला र दुर्गन्धित पानीमा पखालिएका तरकारी बजारमा किन्दा तपाईले घरमा राम्रोसँग नपखाल्दा रोगको संक्रमण बढ्ने खतरा देखिन्छ ।

थप समाचार

‘फेवातालको किनारबाट सिंहदरबारलाई अल्टिमेटमः ‘भाषणको रेल होइन, बाँच्ने आधार चाहियो’

पूर्वप्रधानमन्त्री देउवा सिंगापुरबाट हङकङ प्रस्थान

नेपालकै धनी र व्यवस्थित शहर बन्दै पोखराः हरेक नागरिकको अवस्था…

कार्यशैली परिवर्तन नगरे अर्को चुनावपछि एमाले स्कुटरमा अट्ने बन्छः सुरेन्द्र…

कार्की आयोगको प्रतिवेदन खोज्दै रक्षा बमले सोधिन–मेरो हातमा रगत लागेको…

हिमपातले मध्यपहाडी लोकमार्ग अवरुद्ध, रुकुमपूर्वमा २ सय ५० बढी यात्रु…