साउनको अन्तिम सोमबार, पशुपति लगायत शिबालयमा भिड

काठमाडौं २७ साउन । साउन महिनाको चौथो तथा अन्तिम सोमबार पशुपतिनाथ लगायत देशभरका शिवालयमा बिहानैदेखि भक्तजनको भीड लागेको छ । साउन महिना र सोमबारको दिन भगवान् शिवको आराधना एवम दर्शन गरे मनोकामना पूरा हुने धार्मिक विश्वास छ । साउनको सोमबार शिवलाई शुद्ध जल चढाएर खुसी बनाउन सकिन्छ भन्ने शास्त्रीय मान्यता पनि छ । सोही मान्यता अनुसार साउन महिनाको हरेक सोमबार भक्तजनले ब्रत बसी भगवान शिवाको पूजाआजा गर्ने गर्दछन् । पशुपति दर्शनका लागि आज पनि बिहानैदेखि दर्शनार्थीको घुँइचो लागेको पशुपति क्षेत्र विकास कोषले जनाएको छ । विगतका जस्तै आज पनि दर्शनका लागि तीनतिरबाट भक्तजनको लाइन राखिएको छ, पूर्वको ढोका विशेष पूजा गर्नेका लागि पश्चिमको ढोका बोलबम यात्रीका लागि छुट्याइएको छ । नेपालकै पवित्र तीर्थस्थल चितवनको देवघाटमा पनि सोमबारे बोलबम मेला लागेको छ । देवघाटमा मेला भर्न आएका दर्शनार्थीको बिहानैदेखि पूजाआजामा भीड देखिएको छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्