जारी भयो छवि र शिल्पाविरुद्ध पक्राउ पुर्जी

खोज पत्रिका बुधबार, २०७६ साउन ८, १६ :२६ बजे

काठमाडौं ८ साउन । काठमाडौं जिल्ला अदालतले नायिका शिल्पा पोखरेल र चलचित्र निर्माता छविराज ओझाविरुद्ध बुधबार पक्राउ पुर्जी जारी गरेको छ। काठमाडौं प्रहरी परिसरमा शिल्पा र छबीका बिरुद्ध बहुबिवाहको जाहेरी दर्ता भएपछि जिल्ला अदालतले पक्राउ पुर्जी जारी गरेको हो। प्रहरीले पक्राउ गर्न आवश्यक अनुसन्धान अगाडि बढाएको छ । छविकी जेठी श्रीमतीले बहुविवाहको मुद्धा दर्ता गराएकी हुन्। छविले शिल्पालाई चौथो श्रीमतीका रुपमा बिबाह गरेका थिए । तीन वर्षअघिदेखि सँगै रहेका छवि र शिल्पाले केही महिना अघि विवाह दर्ता गरेका थिए। केही साता अघि आफूलाई छविले घरेलु हिंसा गरेको भन्दै शिल्पा प्रहरीमा उजुरी गर्न पुगेपछि विवाद बाहिर आएको हो । प्रहरीमा मिलापत्र भएपनि शिल्पाले सम्बन्ध विच्छेदको प्रकृया बढाएकी थिइन् । तर, दुबै जनाले मिडिया मार्फन नै एकअर्कोमाथी दोष थुपारिरहेका थिए ।

क्याटेगोरी : कला र मनोरञ्जन, प्रमुख समाचार, ब्रेकिंग न्युज, समाचार
ट्याग : #chhabi ra silpa