विपी स्मृति दिवस देशभर बिबिध कार्यक्रम गरी मनाइँदै

काठमाडौं ६ साउन । प्रथम जननिर्वाचित प्रधानमन्त्री विश्वेश्वरप्रसाद कोइरालाको स्मरणमा सोमबार विपी स्मृति दिवस मनाइँदै छ । प्रत्येक वर्षको साउन ६ गतेलाई नेपाली कांग्रेसले विपी स्मृति दिवसका रूपमा विभिन्न कार्यक्रम गरेर मनाउने गरेको छ । वि.सं.२००५ सालमा बनारस, २००९ सालमा जनकपुर र २०१७ सालमा काठमाडौंमा भएका काँग्रेसको महाधिवेशनमा उनले उक्त पार्टीको सभापतिको जिम्मेवारी प्राप्त गरेका थिए ।
२०१५ सालमा बहुदलीय व्यवस्थामा आधारित संसदको निर्वाचनमा विराटनगरबाट विजयी बनेका विपी २०१६ साल असार १६ गतेदेखि २०१७ साल पौष १ गतेसम्म नेपालको प्रथम जननिर्वाचित प्रधानमन्त्री बनेका थिए । नेपालमा प्रजातन्त्रको स्थापनाका लागि आजीवन सङ्घर्ष गरेका दूरदर्शी नेता कोइराला क्यान्सर रोगबाट थला परेका थिए । कोइरालाको २०३९ साल साउन ६ गते निधन भएको थियो ।राजनीतिका साथै साहित्यका क्षेत्रमा समेत महत्वपूर्ण योगदान पुर्‍याएका कोइरालाका तीन घुम्ती २०२५, नरेन्द्र दाइ २०२६, सुम्निमा २०२७, मोदीआइन २०३६, हिटलर र यहुदी २०४०, बाबु,आमा र छोरा २०४५, उपन्यास एवम् कथातर्फ मेरो कथा २०४०, दोषी चश्मा २०३९ र श्वेत भैरवी २०३९ प्रकाशित छन् ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड