छाँयामन्त्री गगनको शिक्षामन्त्री पोखरेललाई चुनौती

काठमाडौं ३० जेठ । नेपाली कांग्रेसका सांसद गगन थापाले आधारभूत शिक्षाका लागि छुट्याएको बजेट प्रति तिब्र असन्तुष्टि जनाएका छन् । सांसद थापाले न्त्रालयको बजेट कटौती प्रस्ताव राखेका छन् । बिहीबार संसदमा आफ्नो प्रस्ताव पेश गर्दै सांसद थापाले देशभर ३६ हजार बढी प्रारम्भिक बालविकास केन्द्र भएको र योग्य शिक्षकबाट पढाउनु पर्ने ठाउँमा ८ कक्षा पास गरेकाले ६ हजार रुपैयाँभन्दा कम तलबमा पढाएको जानकारी दिए । संविधानले त्यसो गर्न नपाइने भनेको भन्दै यो राष्ट्रिय लज्जाको विषय भएको थापाको भनाई थियो । उनले यसको जिम्मा कांग्रेस, हिजोको एमाले, माओवादी सबैले लिनुपर्छ बताए । सार्वजनिक मञ्चबाट निजी विद्यालयलाई २ र ४ वटा गाली गर्ने बानी परेको भन्दै थापाले आफैंले सञ्चालन गरेको विद्यालयमा न प्रअ, न सांसद न शिक्षक कोही पनि बच्चाबच्ची पढाउन तयार नरहेको बताए । थापा प्रमुख विपक्षी कांग्रेसले बनाएको छाया सरकारमा शिक्षामन्त्रालयस्तरीय समितिको संयोजकसमेत हुन् । सांसद थापाले एकपछि अर्को स्थानीय सरकारको अधिकार खोस्ने काम भएको असन्तुष्टि जनाए । गुणस्तर भनेको अंग्रेजी भन्ने मात्र बुझेको भन्दै उनले मन्त्रालयको बजेटमा प्रश्न उठाएका थिए ।

थप समाचार

निजामती कर्मचारीले सामाजिक सञ्जालबाट दल र नेताको पक्ष विपक्षमा टिप्पणी…

स्पेनमा ओली–सान्चेज वार्ताः नेपालमा दूतावास खोल्न अनुरोध

९ महिनापछि कांग्रेस केन्द्रीय समिति बैठक, यस्ता छन् एजेण्डा

दलीय सहमति कायम गर्दै संसदको गरिमा उच्च राख्नुपर्छः सभामुख घिमिरे

प्रधानमन्त्री ओली स्पेन प्रस्थान

मधेशको बजेटमा असन्तुष्टि भएको सीके राउतको गुनासो, तत्कालै सरकार नछोड्ने