सांसदको हारगुहार, ज्यान जोगाई पाउँ

सबैभन्दा सुरक्षित मध्येको एक ठाउँ हो नयाँ बानेश्वरस्थित संघीय संसद भवन । प्रधानमन्त्री, मन्त्री र सांसदको जमघट हुने संसद भवनभित्रै असुरक्षित महसुस गरिएको छ । त्यो पनि भवनभित्रै बस्नका लागि बनाइएका कुर्सीबाट । एक पटक होइन चार–चार पटक कुर्सीकै कारण असुरक्षित महसुस गरिरहेको सांसद खगराज अधिकारीले बताए । आइतबार सांसद अधिकारीले कुर्सीको सिट नै हातमा लिएर भन्दै थिए अहिलेसम्म दुर्घटना भएको छैन् भाँचिएको मात्रै हो यसको ब्यवस्थापन संसद सचिवालयले कहिले गर्छ । सांसद अधिकारीले कुर्सीबाट लडेको भन्दै ज्यान जोगाइ दिन सभामुख कृष्णबहादुर महराको ध्यानाकर्षण गराउँदा संसदमै हाँसो मच्चियो । अधिकारीको यो भनाई हाँसोको बिषय पक्कै होइन । सांसदलाई बस्नका लागि कुर्सी मिलाउन मात्रै साढे तीन करोड खर्च भएको थियो । संसद् सचिवालयले वार्षिक ११ करोड रुपैयाँ भाडा तिरिरहेको नयाँ बानेश्वरको अन्तराष्ट्रिय सम्मेलन केन्द्रमा प्रतिनिधि र राष्ट्रियसभाको सामान्य पुनसंरचना र कुर्सी मर्मतका लागि मात्रै अर्थ मन्त्रालयसँग साढे तीन करोड रुपैयाँ मागिएको थियो । अझ् सबै कुर्सी फेरिएको पनि होइन कुर्सी हटाएर बाँकी मर्मत गर्ने, खोल फेर्ने, राष्ट्रिय सभाको बैठक कक्ष मात्रै मर्मत गरिएको हो । साढे तीन करोड खर्च गरी बनाइएका संरचना एक बर्ष नपुग्दै कसरी बिग्रीए अनि भाँचिए । सांसद बस्ने सामान्य कुर्सीको समेत ब्यवस्थापन गर्न संसद सचिवालय किन गम्भिर बन्न सक्दैन् । केही महिनाअघि सांसद पम्फा भुषालले पनि कुर्सी ब्यवस्थित नभएको र ताली बजाउन नपाएको गुुनासो गरेकी थिइन । आखिर संसद भवनमा सधैं कुर्सी र माइकको कुरा किन उठिरहन्छ र संसद सचिवालयले किन सम्बोधन गर्न सक्दैन ? या त सांसद नै बस्न नजानेर हो या संसद सचिवालयको हेलचेक्र्याई ?

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले