काठमाडौको टोखामा गोली चल्यो, डाँका काले पक्राउ

खोज पत्रिका सोमवार, २०७६ जेष्ठ ६, १० :५४ बजे

काठमाडौं ६ जेठ । नेपाल प्रहरीको सर्वाधिक खोजीको सूचिमा रहेका एक डाँकालाई प्रहरीले गोली हानी पक्राउ गरेको छ । टोखाबाट काले भनिने विष्णु तामाङलाई प्रहरीले गोली हानी पक्राउ गरेको हो । चोरी डकैतीमा संलग्न तामाङलाई पक्राउ गर्न गएको टोलीलाई हतियार देखाएपछि आफूहरुले घुँडामुनि गोली हान्न बाध्य भएको महानगरीय प्रहरी अपराध महाशाखाले जनाएको छ । उनको वीर अस्पतालमा उपचार भइरहेको र अवस्था सामान्य रहेको जनाइएको छ । सिन्धुपाल्चोकको मेलम्चीका तामाङ विभिन्न ८ ठाउँमा डकैती गरेको आरोपमा २०७२ सालमा ६ वर्ष जेल बसेका थिए । जेलबाट छुटेपछि उनले सात ठाउँमा चोरी डकैती गरेको प्रहरीले जनाएको छ ।

क्याटेगोरी : देश/दुनियाँ, प्रमुख समाचार, समाचार
ट्याग : #goli chalyo