किन यति महंगो भयो गोलभेडा

खोज पत्रिका आइतवार, २०७६ जेष्ठ ५, ०१ :२० बजे

काठमाडौं ५ जेठ । गतबर्ष भन्दा यसवर्ष महँगीले नयाँ रेकर्ड कायम गर्ने संकेत देखिएको छ । आर्थीक बर्षको बजेट भाषणपछि महँगी बढ्ने गरेपनि यसबर्ष सुरुमै महंगीको असर परेको छ । आगामी आर्थिक वर्ष ०७६ र ७७ बाट कर्मचारीको तलब र वृद्धभत्ता बढ्ने घोषणा सरकारले गरिसकेको छ । यसकारण बजेटपछि मूल्यवृद्धि हुने निश्चित छ । तर, त्यसअघि नै महँगी बढ्दा उपभोक्ता आक्रान्त बनेका छन् । महँगीको सबैभन्दा धेरै असर हरियो तरकारीमा परेको छ । तरकारी तथा फलफूल व्यवसायी महासंघका अध्यक्ष खोमप्रसाद घिमिरेका अनुसार यस वर्ष निरन्तर पानी परेका कारण तरकारी उब्जनी घटेको छ । ‘यसपटक असिना पानी परिरहँदा किसानले बर्से तरकारी राम्ररी लाउन पाएनन् । त्यसकारण अहिले उपत्यकामा आपूर्ति घटेको छ,’ उनले भने, ‘भारतबाट आयात हुने तरकारी पनि मूल्य बढेर आएको छ । गोलभेडाको भाउ दोब्बर भएपछि उपभोक्ता पनि आश्चार्यमा परेका छन् ।

क्याटेगोरी : अर्थ, जनगुनासो, प्रमुख समाचार, ब्रेकिंग न्युज
ट्याग : #golveda