किन हार स्वीकार गरे अरविन्द केजरीवालले

खोज पत्रिका शनिबार, २०७६ जेष्ठ ४, १५ :३१ बजे

काठमाडौं ४ जेठ । भारतको दिल्लीमा ७ सीटका लागि लोकसभाको चुनाव सम्पन्न भएको छ । नतिजा अझै गणना हुन बाकी छ । तर, नतिजा सार्वजनिक नहुँदै दिल्लीका मुख्यमन्त्री अरविन्द केजरीवालले भने हार स्वीकार गरिसकेका छन् । उनले अन्तिम समयमा दिल्लीका मुस्लिम समुदायको भोट कांग्रेसलाई गएको दाबी गरेका छन् । इण्डियन एक्सप्रेसलाई दिएको अन्तर्वार्तामा केजरीवालले चुनावको ४८ घण्टाअघिसम्म सातवटै सीट जित्ने आकलन गरेको भएपनि अन्तिम समयमा मुस्लिम समुदायको भोट कांग्रेसमा सिफ्ट भएका कारण नतिजा फरक आउने बताए । चुनावको एकरात अघि भएको यो उथलपुथलबारे आफूहरुले पत्ता लगाइरहेको उनले बताएका छन् । अरविन्द केजरीवालको यो बयानप्रति दिल्लीका पूर्व मुख्यमन्त्री शीला दीक्षितले प्रतिक्रिया दिएकी छन् । ‘मलाई थाहा छैन उनी केजरीवाल किन यस्तो कुरा गरिरहेका छन् । जनतामा आफूले चाहेको उमेद्वारलाई भोट दिन पाउने अधिकार छ ।

क्याटेगोरी : देश/दुनियाँ, प्रमुख समाचार, राजनीति, विदेश
ट्याग : #dilli