संघीय संसद सचिवालयले बाड्यो कर्मचारीलाई साढे ३ करोडभन्दा बढी भत्ता

काठमाडौं २९ चैत । संघीय संसद सचिवालयले कर्मचारीलाई नियम बिपरित साढे तीन करोडभन्दा बढी भत्ता बाँडेको छ । अर्थमन्त्रालयको सहमतिबिना ३ करोड ६९ लाख १७ हजार रुपैयाँ भत्ता सचिवालयले बाँडेको सार्वजनिक भएको हो । सचिवालयलाई अर्थमन्त्रालयले २०७४ माघ ७ गतेसम्मको प्रोत्साहन भत्ता बाँड्न भनेपनि अर्थमन्त्रालयको निर्देशनभन्दा बाहिर गएर २०७५ असार मसान्तसम्मको प्रोत्साहन भत्ता बाँडेको महालेखा परीक्षकको प्रतिवेदनले सार्वजनिक गरेको छ । महालेखाले कानुन बिपरित बाडिएको भत्ता असुल उपर गर्न पनि सुझाव दिएको छ । यस्तै निजामती कर्मचारी अस्पताल विकास समितिले पनि विशेषज्ञ चिकित्सक र कर्मचारीलाई दोहोरो भत्ता दिएको पनि पाइएको छ । विभिन्न दरले प्रोत्साहन वापत यो बर्ष १४ करोड ६८ लाख ५८ हजार भुक्तानी गरेको छ । यो रकम भुक्तानी गर्दा औषधी खरिदतर्फको कर्मचारीलाई ८ करोड ५१ लख ४९ हजार आम्दानीमा दोहोरो लेखांकन गरेर १० प्रतिशत बढी भत्ता गणना गरेर १ करोड ४६ लाख ८६ हजार बढी प्रोत्साहन भत्ता भुक्तानी गरेको महालेखा परीक्षकको कार्यालयले बताएका छन् । महालेखापरीक्षकले यस्तो रकम भुक्तानी गर्न पनि सुझाव दिएको छ ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड

अमेरिका फर्किदैं धुर्मुसले लेखे– १८ करोड ऋणको भारी बोकेर मातृभूमि…