हेमन्त ओलीसँग २२ वटा सिमकार्ड

खोज पत्रिका सोमवार, २०७५ चैत्र ११, ०१ :४२ बजे

काठमाडौं ११ चैत । नेत्रविक्रम चन्द ‘विप्लव’ का नेताहरुले धेरै वटा सिमकार्ड प्रयोग गरेको पाइएको छ । उनीहरुले पुराना सिमकार्ड फाल्ने र नयाँ नयाँ सिमकार्ड प्रयोग गर्दै आएको अनुसन्धानमा पाइएको हो । शुक्रबार पक्राउ परेका सो पार्टीका नेता हेमन्तप्रकाश ओली र उनका सहयोगीसँग २२ वटा सिमकार्ड भेटिएको छ । विगतमा प्रयोग गरेका सिमकार्ड उनीहरुले फालिसकेको प्रहरीले जनाएको छ । ओलीसँग बरामदमध्ये कतिपय सिमकार्ड प्रयोग नगरिएका समेत छन् । ओलीले आफूले पक्राउ पर्ने डरले कार्यकर्ताकै सिमकार्ड धेरै प्रयोग गर्ने र पुराना सिमकार्ड प्रयोग गर्ने गरेको समेत खुलेको समाचार आजको नयाँ पत्रिकामा प्रकाशित छ ।

क्याटेगोरी : पत्रपत्रिका, समाचार
ट्याग : #hot