चीनको सुझावः भारत र पाकिस्तान वार्ता गर

काठमाडौं २५ फागुन । चीनले भारत र पाकिस्तानलाई संयमित भएर वार्ता गर्न सुझाव दिएको छ । भारत र पाकिस्तानको पछिल्लो द्वन्द्वले फेरि विश्वको ध्यानाकर्षण गरेको भन्दै चीनले दुवै देशलाई वार्ता गरेर शान्ति कायम गर्न सुझाव दिएको हो । चिनियाँ तेह्रौं राष्ट्रिय जन कांग्रेसको दोस्रो अधिवेशनका अवसरमा शुक्रबार मिडिया केन्द्रमा गरिएको पत्रकार सम्मेलनमा चीनका परराष्ट्रमन्त्री वाङ यीले ‘घटना गम्भीर बन्दै जाने अवस्था नआओस् भन्नका लागि संयमता कायम गरेर वार्ताका माध्यमबाट समस्याको समाधान गर्नुपर्ने बताए ।
भारत र पाकिस्तान दुवैले प्रादेशिक अखण्डता र सार्वभौमिकतालाई पूर्णरूपमा सम्मान गर्नुपर्नेमा चीनले सधैँ जोड दिँदै आएको उनले बताए । चीनले दुई पक्षलाई सहअस्तित्वमा गएर आपसी सहयोग गर्ने आशा लिएको उनको भनाइ छ । चीनले पाकिस्तान र भारत दुई निकट छिमेकी भएको र दुई देशका जनताले हजारौं वर्षको दक्षिण एशियाली उपमहाद्वीपीय सभ्यताको उपभोग गरेको भन्दै दुई देश सामु स्थिरता, विकास र समृद्धिको महत्वपूर्ण अवसरलाई सदुपयोग गर्न पनि सुझाव दिएको छ ।

थप समाचार

एकै ठाउँमा ७ गाडी दुर्घटनाः २७ घाइतेको उद्धार, २ को…

मलाई जसरी पनि पक्राउ गर्नपर्‍यो भनेर प्रधानमन्त्री लाग्नुभएको छः ओली

रुपन्देही–२ मा उम्मेदवार बन्ने निकोलस भूसालको घोषणा

एनपीएल–२ः पोखराको सान्त्वना जित, चितवन ८ विकेटले पराजित

महाधिवेशन र निर्वाचनको तयारी सँगसँगै अघि बढ्छः गगन थापा

अफगानिस्तान–पाकिस्तान सीमामा भएको झडपमा चार जनाको मृत्यु