देश/दुनियाँप्रमुख समाचारशिक्षा स्वास्थ्यसमाचार

सरकारले सच्यायो कोरोनाबाट मृत्यु हुनेको संख्या, मृतकको लिष्टमा एकैदिन थपिए ६१९ जना

0

काठमाडौं । सरकारले कोरोना भाइरस (कोभिड १९) संक्रमणबाट मृत्यु हुनेको संख्या सच्याएको छ । मृत्यु हुनेको संख्यामा बुधबार एकै दिन ६ सय १९ जना थप गरेको छ । कोभिड १९ महामारीको व्यवस्थापन गरिरहेका अन्य निकायहरुको तथ्यांकको आधारमा अद्यावधिक गर्दा स्वास्थ्य मन्त्रालयको तथ्यांकमा भन्दा थप ६ सय १९ जनाको मृत्यु भएको पुष्टि भएको स्वास्थ तथा जनसंख्या मन्त्रालयले जनाएको छ ।

यसअघि सरकारले कोरोनाबाट मृत्यु हुनेको वास्तविक तथ्यांक लुकाएको आरोप लाग्दै आएको थियो । यससँगै कोरोना संक्रमणबाट मृत्यु हुनेको संख्या २ हजार ६ सय ८४ पुगेको छ । बुधबार भने कोरोना संक्रमणबाट १ जनाको मृत्यु भएको छ ।
बुधबार थपिए ९४ जना कोरोना संक्रमित
पछिल्लो २४ घण्टामा थप ९४ जनामा कोरोना भाइरस संक्रमण पुष्टि भएको छ । देशभरका प्रयोगशालामा ३ हजार ६ सय ९२ जनाको नमुना परीक्षण गर्दा ३६ जना महिला र ५८ जना पुरुष गरी कुल ९४ जनामा संक्रमण पुष्टि भएको हो । यससँगै कुल संक्रमित संख्या २ लाख ७३ हजार ७ सय ६० जना पुगेको छ । उनीहरु मध्ये २ लाख ७० हजार १ सय ३९ जना संक्रमणमुक्त भएका छन् भने कुल २ हजार ६ सय ८४ जनाको मृत्यु भएको मन्त्रालयले जनाएको छ ।

अवको सत्ता समिकरणमा कुन पार्टीको सांसद कति ? देउवा फकाउन प्रचण्ड माधव सक्रिय

Previous article

पूर्वमन्त्री जोशीलाई मस्तिष्कघात

Next article

You may also like