जनगुनासोदेश/दुनियाँसमाचार

पश्चिम रुकुम सोती घटनाका मृतक परिवारलाई प्रतिपरिवार १० लाख रुपैयाँ राहात

0

काठमाडौं । पश्चिम रुकुम सोती घटनाका मृतकका परिवारलाई प्रतिपरिवार १० लाख रुपैयाँ राहात दिने सरकारले निर्णय गरेको छ । सोमबारको मन्त्रिपरिषद बैठकले पश्चिम रुकुमको सोतीमा भएको घटनामा हत्या गरिएका व्यक्तिका परिवारलाई प्रतिपरिवार १० लाख रुपैयाँ दिने निर्णय गरेको हो। गत जेठ १० गते पश्चिम रुकुमको चौरजहारी ८ सोतीमा भएको घटनामा ज्यान गुमाएका परिवारलाई प्रतिपरिवार १० लाखका दरले राहात दिने निर्णय भएको हो ।

त्यस्तै, घाइतेहरुको सम्पूर्ण खर्चपनि सरकारले व्यहोर्ने पनि निर्णय गरेको छ । घटनामा जाजरकोटको भेरी नगरपालिका ४ का नवराज विक, गणेश बुढामगर र संजीव विकको हत्या भएको थियो। यस्तै भेरी ११ का लोकेन्द्र सुनार र गोविन्द शाही तथा रुकुमको चौरजहारी १ का टिकाराम नेपालीको हत्या भएको थियो।

घटनामा भेरी ४ का लालबहादुर खड्का, मदन शाह, सरोज भडेल, आशिष विक, सुदिप खड्का घाइते भएका छन्।यस्तै भेरी ३ का विभाग पुन, इन्द्रगंज शाही, भेरी १३ का भोला विसी, भेरी ११ का गोविन्द सुनार, भेरी ३ का महेश कार्की, सल्यानको कुमाख ४ का डिल्ली विक र बाँकेको राप्ती सोनारी ४ का सुनिल सुनार घाइते भएका थिए ।

प्रधानमन्त्री र जसपाबीच आरोप–प्रत्यारोप, बिज्ञप्तीमै लफडा

Previous article

ललितपुरमा तीन सहित एकै दिन ६ जना कोरोना संक्रमितको मुत्यु

Next article

You may also like