देश/दुनियाँसमाचार

दुई जना कोरोना संक्रमित डिस्चार्ज

0

काठमाडौं १० बैशाख । नेपालमा कोरोना संक्रमित भएका दुई जना अस्पतालबाट डिस्चार्ज भएका छन् । कञ्चनपुरको बेदकोट नगरपालिकाका ४१ बर्षीय पुरुषको तेस्रो र चौथो रिपोर्ट नेगेटिभ आएपछि उनलाई अस्पतालबाट डिस्चार्ज गरिएको हो। उनी सुदूरपश्चिमका तेस्रो कोरोना संक्रमित हुन् । यसअघि कैलालीको लम्की चुहा नगरपालिकाका २१ बर्षीय युवक र धनगढी उप–महानगरपालिका वडा नम्वर ५ का ३४ बर्षीय संक्रमित युवक पनि उपचारपछि डिस्चार्ज गरिएको थियो । चैत २१ गते उनको थ्रोट स्वावको नमूना परीक्षण गर्दा पोजेटिभ आएपछि २२ गते उनलाई सुन्दरपुरबाट उपचारका लागि धनगढी ल्याइएको थियो । अब सुदूरपश्चिमका ४ संक्रमित मध्ये एकजना महिलाको मात्रै उपचाररत छन् । बुधबार टेकु अस्पतालमा उपचार गराइरहेका धादिङका ३४ वर्षीय युवक पनि डिस्चार्ज भएका छन् । निको भएका धादिङका युवक नेपालको तेस्रो संक्रमित हुन्। उनी चैत ६ गते १६० यात्रु बोकेको एयर अरेबियाको उडान नम्बर जी ९५३७ विमानमा नेपाल आएका थिए । पीसीआर परिक्षणका क्रममा कोरोना पुष्टि भएपछि उनी चैत १२ गते भर्ना भएका थिए । उपचारका क्रममा पछिल्ला रिपोर्टहरु नेगेटिभ आएपछि उनी बुधबार डिस्चार्ज भएका हुन् ।

नेपालमा थप ३ जनामा कोरोना संक्रमण पुष्टि, संक्रमितको संख्या ४५ पुग्यो

Previous article

अध्यादेशको ओलीले बचाउ गर्दा प्रचण्ड किन मौन

Next article

You may also like