जीवनशैलीदेश/दुनियाँसमाचार

७६ दिनपछि चीनको ऊहानमा लकडाउन खुल्यो

0

काठमाडौं २६ चैत । कोरोना भाइरस अर्थात् कोभिड–१९ को इपिसेन्टर चीनको ऊहानमा ७६ दिनपछि लकडाउन खुलेको छ। कोरोनाको त्रासमा लकडाउन भएको ऊहान क्षेत्र सामान्य बन्न थालेको छ । ऊहानको अन्य प्रान्तसँगको बोर्डर भने केही दिनपछि मात्र खुला गरिने छ । संक्रमण पूर्ण निर्मूल नहुन्जेलसम्म अझै पनि ऊहानका केही स्थान र कार्यालयमा केही प्रतिबन्ध भने जारी राखिने बताइएको छ । बुधबारदेखि हुबेइ प्रान्तको राजधानी ऊहान स्वस्थ नागरिक र आगन्तुकलाई अन्य प्रान्तमा जान अनुमति दिइएको छ। रेल, उडान र राजमार्ग पनि खुला गरिएको छ । १ करोड १० लाख जनसंख्या भएको ऊहानमा गत डिसेम्बरमा पहिलोपटक कोरोना भाइरसको संक्रमण देखिएको थियो। गत जनवरी २३ देखि यो सहरलाई चीन सरकारले सिल्ड गरेको थियो, जसले गर्दा अन्य सहरमा यो महामारी फैलन पाएन। ऊहान यातायात खुला राख्नुलाई कोभिड–१९ विरुद्ध चीनले गरेको कामको मुख्य उपलब्धिका रुपमा लिइएको छ। केही दिनयता चीनमा कोभिड–१९ संक्रमित बिरामीको संख्या शून्य हुँदै आएको छ।

टोकियो ओलम्पिक खेलकुदको दीप प्रज्वलन प्रदर्शनी कार्यक्रम स्थगित

Previous article

होला त स्वास्थ्य सामग्रीमा भएको अनियमितताबारे छानविन 

Next article

You may also like