पाकिस्तानको रावलपिण्डीमा सैनिक जहाज मानवबस्तीमा खस्यो, १५ जनाको मृत्यु

काठमाडौं १४ साउन । पाकिस्तानको रावलपिण्डीमा सैनिक जहाज दुर्घटना भएको छ । सेनाको सानो आकारको जहाज राउलपिण्डीस्थित एक मानव बस्तीमा खस्दा १५ जनाको मृत्यु भएको छ । मृत्यु हुनेमा ५ जहाजका कर्मचारी र १० जना सर्वसाधारण रहेका छन् । उद्दारमा खटिएका सुरक्षाकर्मीका अनुसार अन्य १२ जना गम्भीर घाइते भएका छन् । सैनिकहरुको तालिमका क्रममा दुर्घटना भएको जनाइएको छ । बस्तीमा खसेको जहाजमा आगलागी हुँदा आसपासका घरमा समेत आगलागी भएको थियो । घटनास्थल इस्लामावाद नजिकैको आर्मी मुख्यालय नजिकै पर्दछ । जहाज दुर्घटनाको कारण भने थाहा हुन सकेको छैन ।