जीवनशैलीप्रमुख समाचारसमाचार

साउन महिनाको दोस्रो सोमबार, काठमाडौं पशुपतिनाथ लगायत देशभरका शिवालयमा घुँइचो

0

काठमाडौं १३ साउन । साउन महिनाको दोस्रो सोमबार पशुपतिनाथ लगायत देशभरका शिवालयमा बिहानैदेखि भक्तजनको भीड लागेको छ । साउन महिना र सोमबारको दिन भगवान् शिवको आराधाना एवम दर्शन गरे मनोकामना पूरा हुने धार्मिक विश्वास छ । साउनको सोमबार शिवलाई शुद्ध जल चढाएर खुसी बनाउन सकिन्छ भन्ने शास्त्रीय मान्यता पनि छ । सोही मान्यता अनुसार साउन महिनाको हरेक सोमबार भक्तजनले ब्रत बसी भगवान शिवाको पूजाआजा गर्ने गर्दछन् । पशुपति दर्शनका लागि आजपनि बिहानैदेखि दर्शनार्थीको घुँइचो लागेको पशुपति क्षेत्र विकास कोषले जनाएको छ । विगतका पर्व जस्तै आज पनि दर्शनका लागि तीनतिरबाट भक्तजनको लाइन राखिएको छ, पूर्वको ढोका विशेष पूजा गर्नेका लागि पश्चिमको ढोका बोलबम यात्रीका लागि छुट्याइएको छ । नेपालकै पवित्र तीर्थस्थल चितवनको देवघाटमा पनि सोमबारे बोलओम मेला लागेको छ । देवघाटमा मेला भर्न आएका दर्शनार्थीको बिहानैदेखि पूजाआजामा भीड देखिएको छ ।

नेकपाको सचिवालय बैठकमा स्कुल बिभागको नेतृत्व टुंग्याउने तयारी

Previous article

हङकङमा प्रदर्शनकारीमाथि अश्रु ग्यास र रबरका गोली प्रहार, थुप्रै घाइते

Next article

You may also like