देश/दुनियाँप्रमुख समाचारसमाचार

कक्षा १२ को परीक्षाफल सोमबार

0

काठमाडौं १३ साउन । राष्ट्रिय परीक्षा बोर्डले कक्षा १२ को परीक्षाफल सोमबार सार्वजनिक गर्ने तयारी गरेको छ । परीक्षा बोर्ड स्रोतका अनुसार परीक्षाफल प्रकाशितका लागि सबै तयारी पूरा भइसकेको छ । परीक्षार्थीले प्राप्त गरेको प्राप्तांक जोडेर रुजु गर्ने काम समेत सकिएको बोर्डले जनाएको छ । परीक्षाफल प्रकाशनका लागि सबै तयारी पूरा भएकाले सोमबार साँझ सञ्चालकहरूको बैठक बोलाइएको छ । बोर्ड बैठकमार्फत निर्णय गराएर मात्र परीक्षाफल प्रकाशित गर्ने गरिन्छ । विगतमा विज्ञान र अन्य विषयको परीक्षा अलग(अलग समयमा प्रकाशन गर्ने गरिएको थियो । तर, यसपटक सबै विषयको परीक्षाफल एकैपटक प्रकाशित गर्ने तयारी बोर्डले गरेको छ । कक्षा १२ को परीक्षा गत वैशाखमा सञ्चालन भएको थियो । परीक्षामा देशभरबाट सहभागी ४ लाख परीक्षार्थी परीक्षाफलको पर्खाइमा रहेका छन् ।

अस्ट्रेलियामा दुर्घटनामा परी दुई नेपालीको मृत्यु, तीन घाइते

Previous article

किन संसद बैठक फेरि अवरोध गर्न लागे बिपक्षी

Next article

You may also like