सुनचाँदीको मूल्य बढ्यो, तोलाको ६४ हजार ७ सय

काठमाडौँ २६ असार । बिहीबार सुनको मूल्य फेरि बढेको छ। नेपाल छापावाला सुनको मूल्य तोलामा चार सय रुपैयाँले बढेर ६४ हजार सात सय रुपैयाँमा कारोबार भइरहेको सुनचाँदी व्यवसायी महासंघले जनाएको छ । बुधबार छापावाला सुनको मूल्य तोलामा ६४ हजार तीन सय रुपैयाँमा कारोवार भएको थियो। यस्तै तेजाबी सुनको मूल्य तोलामा चार सय रुपैयाँले बढेर ६४ हजार चार सय रुपैयाँमा पुगेको छ । बुधबार तेजाबी सुन तोलामा ६४ हजार रुपैयाँमा कारोबार भएको थियो। चाँदीको मूल्य तोलामा ५ रुपैयाँले बढेर ७ सय २५ रुपैयाँमा कारोबार भइरहेको छ।