देश/दुनियाँप्रमुख समाचारसमाचार

युरोपा लिगको उपाधि चेल्सीले जित्यो

0

काठमाडौं १६ जेठ । युरोपा लिग फुटबलको उपाधि चेल्सीले जितेको छ । बुधबार राति भएको फाइनल खेलमा अर्को लण्डन क्लब आर्सनललाई ४–१ ले हराउँदै चेल्सीले उपाधि जितेको हो । अजरबैजानको बाकुमा भएको लण्डन डर्बीमा चेल्सीको जितमा इडन हजार्डले दुई गोल गरेका थिए । यस्तै, ओलिभर जिरउड र पेड्रोले एक एक गोल गरे । आर्सनलका लागि एलेक्स इवोबीले एक गोल फर्काएका थिए । पहिलो हाफमा गोल रहित रहेको खेलमा सबै गोल दोस्रो हाफमा भएको हो । ४९ औँ मिनेटमा जिरउडको गोलबाट चेल्सीले अग्रता लियो । ६० औँ मिनेटमा पेड्रोले अग्रता दोब्बर पारे । ६५ औँ मिनेटमा पाएको पेनाल्टीमा हजार्डले गोल गरेपछि चेल्सीको अग्रता ३–० मा पुगेको थियो । ६९ औँ मिनेटमा इवोबीले आर्सनलका लागि एक गोल फर्काए । ७२ औँ मिनेटमा हजार्डले व्यक्तिगत दोस्रो गोल गर्दै चेल्सीको ४–१ को जित निश्चित गरेका हुन् ।

१५ खर्ब ३२ अर्ब ९६ करोड बजेट सार्वजनिक, के के समेटियो पूरा बजेट हेरौं

Previous article

चुरोट, मदिरा,पेट्रोलियम, खाद्यपदार्थ तथा सिमेन्ट र रडमा मूल्यवृद्धि

Next article

You may also like