देश/दुनियाँराजनीतिसमाचार

को सांसद कति दिन गयल ? संसदमा सुनाइयो गयल हुनेको नामावली

0

काठमाडौं । प्रतिनिधिसभा पुनःस्थापनाअघिको बैठकमा ११ पटकभन्दा बढी अनुपस्थित हुने सांसदहरुको नाम सार्वजनिक गरिएको छ । सभामुख अग्निप्रसाद सापकोटाले सदनमा अनुपस्थित हुने सांसदहरुको नामावलीको सूची पेश गरेपछि बैठकले स्वीकृत गरेको छ । प्रतिनिधिसभा बैठकमा सबैभन्दा बढी २५ पटक बैठकमा अनुपस्थित हुनेमा नेपाली कांग्रेसका सांसद नागेन्द्रकुमार यादव छन् । उनले अनुपस्थितिको कारण पेश भएको छैन ।

त्यस्तै बिरामी भएर २१ पटक उपस्थित हुन नसकेका कांग्रेस सांसद सूर्यवहादुर केसीको निधन भइसकेको छ । एमाले सांसद नविना लामा १९ वटा वैठकमा आएकी छैनन् । लामा स्वास्थ्य उपचारका लागि दिल्लीमा थिइन् । उनले अनुपस्थित हुनुको लिखित कारणसमेत पेश गरेको संसद सचिवालयले जनाएको छ ।

एमालेकै सांसद कलिला खान १७ वटा बैठकमा अनुपस्थित देखिएकी छन् भने कांग्रेसकी महेन्द्र लिम्बु १५ पटक, माओवादी सांसद यशोदा सुवेदी १४ वटा बैठकमा अनुपस्थित छन् । त्यस्तै सामान्य प्रशासनमन्त्री गणेशसिंह ठगुन्ना ११ वटा बैठकमा अनुपस्थित भएका छन् भने माओवादीका सुरेशचन्द्र दास १३ वटा वैठक र जसपाकी निर्जला राउत १४ वटा र रुही नाज ११ बैठकमा अनुपस्थित देखिए । एमालेकै सांसद केदार सिग्देल पनि ११ बैठकमा अनुपस्थित देखिएका छन् । सांसद ठगुन्ना जिल्लातिर रहेको बुझिएको छ ।

संसदमा प्रधानमन्त्री ओलीको तीब्र आलोचना,मागियो राजीनामा

Previous article

भारतमा बढ्दो कोरोना संक्रमण,नेपालमा छैन् चासो

Next article

You may also like