प्रमुख समाचारराजनीतिसमाचार

रुकुमपश्चिमको आठविसकोटमा कांग्रेस र नेकपाका कार्यकर्ताबीच झडप,अनिश्चितकालीन निषेधाज्ञा जारी

0

रुकुमपश्चिम । जिल्लाको आठविसकोट नगरपालिका राडीबजारमा अनश्चितकालीन निषेधाज्ञा जारी गरिएको छ । जिल्ला प्रशासन कार्यालयले अर्को सूचना नभएसम्मका लागि मंगलबार ५ बजदेखि निषेधाज्ञा लगाएको हो । नेपाली कांग्रेस र नेकपा प्रचण्ड माधव समूहका कार्यकर्ताबीच झडप भएपछि निषेधाज्ञा जारी गरिएको हो ।

प्रमुख जिल्ला अधिकारी बद्रीनाथ गैह्रेले चार किल्ला तोकेर निषेधाज्ञा आदेश जारी गरेका हुन् । पूर्वमा घारीखोला, पश्चिममा ठूलीभेरी, दक्षिणमा सिमबजार र उत्तरमा दाँजेबाट कोही पनि राडीबजार भित्रन नपाउने गरी निषेधाज्ञा लगाइएको हो । आठबीसकोट नगरपालिकाको ९ नम्बर वडा राडीबजारमा केही समूहबाट अनावश्यक भेला हुने अवाञ्छित गतिविधिहरु गरी शान्ति भंग हुनेगरी हुलदंगा वा अशान्ति सिर्जना गर्न खोजिरहेकाले निषेधाज्ञा गरिएको प्रशासन कार्यालयले जनाएको छ ।

राडीबजारमा नेकपा र नेपाली कांग्रेसका कार्यकर्ताबीच दिनभर झडप भएको थियो । दिनभर झडप भएपछि राडीबजारमा तनाव उत्पन्न भएको छ । स्थिति नियन्त्रणमा लिन प्रहरीले ९ राउण्ड हवाई फायर समेत गरेको थियो । जिल्ला सदरमुकामबाट समेत थप सुरक्षाकर्मी राडीबजार पठाइएको छ ।

नेपाली कांग्रेसको रणनिति के ? निर्वाचन वा संसद पुर्नस्थापना

Previous article

ललितपुर मालपोत कार्यालयका नायव सुब्बा घुससहित रंगेहात पक्राउ

Next article

You may also like