अर्थजनगुनासोदेश/दुनियाँप्रमुख समाचार

कृषक सधैं मल पाइन भन्ने, बजेट भने एक अर्ब फ्रिज

0

काठमाडौं २३ जेठ । सधैं धान बाली लगाउने समयमा किसानहरु मल नपाएको गुनासो गर्छन् । तर, बिडम्बना मल किन्नका लागि छुट्याइएको १ अर्ब रुपैयाँ भने फ्रिज हुन्छ । सरकारसँग मलको पर्याप्त मौज्दात नहुँदा सधैं कृषकलाई मलको अभाव सिर्जना भएको हो । यो सिजनमा मात्रै ५० हजार मेट्रिक टन मल अपुग हुने देखिएको छ । युरिया मलको त्यति ठूलो अभाव नदेखिए पनि डीएपी मलको भने हाहाकार हुन थालेको छ । कृषि विकास मन्त्रालयको दावी पत्याउने हो भने मल किन्ने अनुदान समयमै नपाएपछि बजारमा अभाव सुरु भएको हो । चालु आवमा सरकारले ६ अर्ब रुपैयाँ मलमा अनुदान दिने गरी बजेट छुट्याएको थियो । तर, त्यसले अपुग भएको भन्दै कृषि मन्त्रालयले अर्थसँग थप रकम मागेको थियो । हाल सरकारले युरियामा प्रतिकिलो ३१ रुपैयाँ र डीएपीमा १५ रुपैयाँ अनुदान दिएको कृषि सामग्री कम्पनी लिमिटेडले जनाएको छ । त्यसैअनुरुप अनुदानका लागि थप बजेट मागे पनि अर्थ मन्त्रालयले कृषकलाई दिने अनुदान घटाएर मूल्य समायोजन गर्न भनेको थियो । तर, कृषिले यो वर्ष मूल्य समायोजन गर्न सम्भव नहुने बताएपछि जेठ १ गते मात्रै मल किन्न ३ अर्ब रुपैयाँ निकासा गरियो । तर, यो रकम यस आर्थिक वर्षमा खर्च गर्न सम्भव नहुने कृषि मन्त्रालय स्रोत बताउँछ । यसैले रकम फ्रिज हुने अवस्था आएको छ । सरकारले नयाँ निकासाबाट तत्कालै ५८ हजार मेट्रिक टन मल किन्दैछ । यसमा १ अर्ब ८८ करोड मात्रै खर्च हुनेछ । बाँकी १ अर्ब १२ करोड रुपैयाँ यो वर्ष खर्च हुन नसक्ने स्थिति छ । ‘

टुंगो लगाउला त आज नेकपाले जिल्ला इन्चार्ज

Previous article

नाइल नदीमा ४० जनाको शव, सुडानका विपक्षीद्वारा सैन्य परिषदसँग वार्ता गर्न अस्वीकार

Next article

You may also like

More in अर्थ