प्रमुख समाचारब्रेकिंग न्युजराजनीतिसमाचार

नेपालमा १ करोड ६२ लाख ४३ हजार १ सय १० मतदाता

0

काठमाडौं । पछिल्लो अद्यावधिकबाट देशमा १ करोड ६२ लाख ४३ हजार १ सय १० मतदाता कायम गरिएको छ। गत माघ १५ गतेदेखि सञ्चालन गरिएको मतदाता नामावली अद्यावधिक तथा मतदानस्थल र मतदान केन्द्र पुनरावलोकन कार्यक्रम सम्पन्न भएपछि मतदाताको अन्तिम नामावली प्रकाशन गरिदा यो संख्या पुगेको हो ।

मुलुकभर १० हजार ६ सय ६० मतदानस्थलमा आबद्ध गरी अन्तिम मतदाता नामावली प्रकाशन गरिएको निर्वाचन आयोगले जानकारी दिएको छ । आयोगबाट गत पुस ५ गतेसम्म मतदाता नामावलीमा नाम दर्ता गराएका र सोही मितिसम्ममा १८ वर्ष उमेर पूरा भएका मतदाता नामावली अद्यावधिक गरिएको छ।

मतदाता नामावली ऐनमा ‘निर्वाचनको मिति घोषणा भइसकेपछि सो निर्वाचनको प्रयोजनका लागि मतदाता नामावलीमा नाम दर्ता गरिने छैन । गत पुस ६ गतेदेखि स्थगन गरिएको थियो। आयोगका अनुसार स्थगन भएको मतदाता नामावली संकलन तथा अद्यावधिकसम्बन्धी कार्य अब बिहीबारदेखि ७७ वटै जिल्ला निर्वाचन कार्यालयबाट मतदाता नामावली संकलन तथा अद्यावधिकसम्बन्धी कार्य सञ्चालन हुनेछ।

भूकम्प र कोरोना महामारीपछि सुस्ताएको तातोपानी नाकामा हाम्रो स्थलगत खबर अनुगमन

Previous article

एमाले अध्यक्ष ओलीको आह्वानमा आज संसदीय दलको बैठक बस्दै, नेपाल पक्ष भने कार्यकर्ता भेलामा

Next article

You may also like