देश/दुनियाँप्रमुख समाचारब्रेकिंग न्युजसमाचार

नेकपा र सूर्य चिन्ह आफनो भएको निर्वाचन आयोग समक्ष प्रधानमन्त्री ओलीको दाबी

0

काठमाडौं । संसद बिघटन गरिसकेपछि नेकपा र चुनाव चिन्ह सुर्य कुन समूहको भन्ने आधिकारिकताको विवाद चलिरहेको बेला प्रधानमन्त्री ओली आफै निर्वाचन आयोग पुगेका छन् । ओलीले आयोगमा आफू आधिकारिक भएकोले नेकपा र सूर्य चिन्ह आफनो भएको दाबी प्रस्तुत गरेका छन् । केही समयअघि नेकपाका अध्यक्ष पुष्पकमल दाहाल प्रचण्ड र माधवकुमार नेपाल निर्वाचन आयोग पुगी निर्वाचनको तयारी रोक्न आग्रह गरे । त्यसपछि सार्वजनिक कार्यक्रममै असन्तुष्टि जनाएका प्रधानमन्त्री केपी शर्मा ओली मंगलबार निर्वाचन आयोग पुगी प्रचण्ड माधव पक्षको आग्रहलाई वेवास्था गर्दै निर्वाचनको तयारीमा निरन्तर जुट्न निर्देशन समेत दिएका छन् ।

यही माघ १६ गते निर्वाचन आयोगले नेकपाको विवाद र निर्वाचनको तयारीको बारेमा छलफल गर्न नेकपाका दुबै पक्षलाई बोलाएको थियो । त्यतिबेला प्रचण्ड माधव पक्षले आयोगमा पुगेर नेकपा आफनो भएको दाबी गरिसके पनि प्रधानमन्त्री ओली पुगेका थिएन्न । तर, मगंलाबार निर्वाचन आयोगमा पुगेर निर्वाचनको तयारीको काम निरन्तर अघि बढाउन निर्वाचन आयोगलाई आग्रह गरेको प्रधानमन्त्रीका पे्रस सल्लाहकार सुर्य थापाले बताए । नेकपाको आधिकारिकताको बारेमा भने कुनै छलफल नभएको थापाले बताए ।

नेकपाको दुबै समुहको विवादबारे पत्रकारले राखेको जिज्ञासामा प्रेस सल्लाहकार थापाले प्रधानमन्त्री ओली निर्वाचन आयोग जानुको उद्देश्य त्यो नभएको जिकिर गरे । आयोग कार्यालय परिसरमा पत्रकारहरुसँग थापाले प्रमुख निर्वाचन आयुक्त दिनेश थपलियाले निर्वाचनको तयारीबारे जानकारी गराएका बताए । प्रधानमन्त्रीले आयोगले गरिरहेका तयारीका सन्दर्भमा धन्यवाद दिएका थिए । प्रमुख निर्वाचन आयुक्त थपलियाले निर्वाचनको लागि आवश्यक बजेट, बन्दोबस्तीका सामान लगायतका विभिन्न विषयमा जानकारी गराएका थिए ।

प्रधानमन्त्रीसँगै उपप्रधानमन्त्री ईश्वर पोखरेल, नेकपा महासचिव विष्णु पौडेल र नेता सुवास नेम्वाङ पनि आयोगको कार्यालय पुगेका थिए । संसद विघटन गर्दै वैशाख १७ र २७ गते दुई चरणमा निर्वाचन गर्ने प्रधानमन्त्री ओलीको सिफारिसमा राष्ट्रपति विद्यादेवी भण्डारीले सदर गरेकी थिइन् । सोमबार बसेको मन्त्री परिषको बैठकले पनि १७ गते पहिलो चरणमा ४० जिल्लामा र दोसा्रे चरणमा ३७ जिल्लामा निर्वाचन गर्ने निर्णय गरेको छ ।

निर्वाचनको तयारी हुदै गर्दा नेकपाका दुवै पक्षका नेताहरुले आफूहरु मूल पार्टी रहेको दाबी गर्दै आएका छन् । तर आयोगले दुवै पक्षको दाबी नपुगेको भन्दै फिर्ता पठाएको थियो । नेकपाको एउटा पक्ष निर्वाचनको तयारी नगर्नु भन्ने र प्रधानमन्त्री ओलीले निर्वाचनको तयारी गर्न निर्देशन दिनुले आयोग आफै अलमलमा परेको छ ।

प्रतिनिधिसभा विघटन सदर भए नेपाल ठूलो राजनीतिक भुमरीमा फस्ने नेकपा अध्यक्ष प्रचण्डको चेतावनी

Previous article

पहिलो चरणमा प्रदेश २, गण्डकी, लुम्बिनी र सुदूरपश्चिम तथा दोस्रो चरणमा कर्णाली, बागमती र प्रदेश एकमा चुनाव हुने

Next article

You may also like