देश/दुनियाँप्रमुख समाचारब्रेकिंग न्युजराजनीतिसमाचार

प्रधानमन्त्री ओलीले गरे संसद विघटनको सिफारिस

0

काठमाडौं । प्रधानमन्त्री केपी शर्मा ओलीले प्रतिनिधिसभा भंग गर्न राष्ट्रपति समक्ष सिफारिस गरेका छन् । श्रम तथा रोजगारमन्त्री रामेश्वर राय यादवले बैठक शुरु भए लगत्तै प्रधानमन्त्रीले संसद बिघटनको सिफारिस गरिएको निर्णय सुनाएर बाहिरिएको जानकारी दिएका हुन् । मन्त्रिपरिषद बैठकबाट संसद बिघटनको सिफारिस गरिएपनि मन्त्रीहरुले छलफलमा कुनै धारणा राख्न नपाउँदै प्रधानमन्त्री बाहिरिएको बुझिएको छ ।

प्रधानमन्त्री निस्केपछि अहिले पनि मन्त्रीहरु आश्चर्यमा पर्दै बालुवाटारमै आपसमा छलफल गरिरहेका छन् । नेकपाका अर्का अध्यक्ष पुष्पकमल दाहाल प्रचण्ड बालुवाटारमै रहेका बेला संसद बिघटनको सिफारिस हुनुलाई अर्थपूर्ण रुपमा हेरेका छन् । मन्त्रिपरिषद बैठक चलिरहँदा प्रचण्ड, प्रधानमन्त्री एवं पार्टीका अर्का अध्यक्ष ओलीलाई भेट्न बालुवाटार पुगेका थिए ।

स्थायी कमिटी बैठक अगाडि दुई अध्यक्षबीच छलफल गर्न भन्दै प्रचण्ड बालुवाटार पुगेपनि प्रधानमन्त्रीले संबैधानिक परिसद सम्बन्धी अध्यादेश जस्तै गरि आफ्नो एकलौटी जोडबलमा मन्त्रिपरिषद्मा संसद बिघटनको प्रस्ताव गरेर बाहिरिएको बताइएको छ । संसद बिघटनबारेको प्रस्तावमा के उल्लेख छ र राष्ट्रपति समक्ष पुगे नपुगेको बारे औपचारिक धारणा सार्वजनिक भैसकेको छैन ।

ताला काट्दै ललितपुर स्काउटले भन्यो हस्तक्षेप स्वीकार्य छैन्

Previous article

प्रधानमन्त्री ओलीबाट प्रतिनिधि सभाको विघटन सम्भव कि असम्भव ?

Next article

You may also like