जनगुनासोदेश/दुनियाँब्रेकिंग न्युजसमाचार

हट्ने भयो शुक्रबारदेखि सवारी साधनमा लगाइएको जोरविजोर प्रणाली

0

काठमाडौं । कोरोना भाइरस संक्रमणको जोखिम कम गर्न सार्वजनिक तथा निजी सवारीमा लगाइएको जोर–बिजोर प्रणाली शुक्रबारदेखि हट्ने भएको छ । बिहीबार जिल्ला प्रशासन कार्यालय काठमाडौंमा बसेको सरकारोवाला निकाय र विभिन्न यातायात व्यवसायी र मजदुरका संघ संस्थाका प्रतिनिधिको बैठकले सार्वजनिक सवारीमा जोर–बिजोर कायम गर्दा झनै भीड बढेको निष्कर्ष निकालेको थियो ।

जोरबिजोर हटाउने सहमतिसँगै भोलिबाट सबै सार्वजनिक तथा निजी सवारी सडकमा गुड्न पाउनेछन् । तोकिएको स्वास्थ्य मापदण्ड पालना गरेर सबै सार्वजनिक र निजी सवारी चल्न दिने निर्णय भएको काठमाडौंका प्रमुख जिल्ला अधिकारी कालीप्रसाद पराजुलीले जानकारी दिए ।

शहरमा बढेको यात्रुको चापलाई ध्यानमा राखेर शुक्रबारदेखि लागू हुनेगरी जोर–बिजोर प्रणाली हटाउने निर्णय भएको हो । कोरोना महामारीपछि काठमाडौंका सडकमा घटेको सवारी चाप दिनदिनै बढ्दो दरमा छ ।

अध्यादेश फिर्ता नलिई प्रधानमन्त्री ओलीले बोलाए संबैधानिक परिषदको बैठक

Previous article

एकैदिन थप ७ सय ७६ जनामा कोरोना संक्रमण पुष्टि, ६ जनाको मृत्यु

Next article

You may also like