अर्थदेश/दुनियाँब्रेकिंग न्युजराजनीतिसमाचार

नेपाल–चीनबीचको तातोपानी नाका सञ्चालनमा आयो

0

काठमाडौं । नेपाली कामदारमा कोभिड–१९ को संक्रमण देखिएसँगै असोज २० गतेदेखि बन्द भएको तातोपानी नाका आजदेखी सञ्चालनमा र्आको छ । सिन्धुपाल्चोकका प्रमुख जिल्ला अधिकारी उमेशकुमार ढकालले चिनियाँ अधिकारीहरुबाट आजदेखि नेपाली भन्सार यार्डसम्म सामान पठाउन सुरु गरिएको जानकारी दिए । नेपालस्थित भन्सार कार्यालयले साँझसम्म नाकाबाट माल वस्तु आयात सुरु हुने गरि तयारी गरेको थियो । कोरोना संक्रमणको जोखिमका कारण सर्तकता अपनाउँदै नाका सञ्चालनमा आएको हो ।

चिनियाँ अधिकारीहरुसँग भएको समझदारीअनुसार नेपालले नाकामा तयार पारेको आइसोलेसन यार्डमा चिनियाँ ट्रकले माल वस्तु ल्याएर छोड्नेछ । तातोपानी भन्सार कार्यालयका प्रमुख लालबहादुर खत्रीले नेपालतर्फ चिनियाँ कन्टेनरले सामान ल्याएर राख्ने आइसोलेटेड ठाउँको मार्किङ्गको काम पुरा भएको जानकारी दिए । भन्सार प्रमुख खत्रीकाअनुसार अब नेपाली श्रमिकहरु मालवस्तु लिन भन्दै चीनतर्फ जानु नपर्ने भएको छ ।

नेपाली यार्डमा रहेको आइसोलेटेड ठाउँमा चिनियाँ पक्षले ट्रक छोडर जाने र त्यहाँबाट नेपालीले सामान लोड गर्ने गरी व्यवस्थापन गरिएको छ । यसरी सामान ढुवानी गर्दा दैनिक ७ वटासम्म चिनियाँ कन्टेनर नेपालतर्फ आइपुग्ने बताइएको छ ।

बाढी र पहिरोका कारण तीन महिनादेखि बन्द भएको नाका असोज १९ मा सञ्चालनमा आएपनि चीनतर्फ गएर सामान लोड गर्न खटिएका ७ जना नेपाली श्रमिकमा कोरोना देखिएपछि सञ्चालनको दोस्रो दिनमै बन्द भएको थियो । नेपाली पक्षले नाका खुलाउन पहल गरेपनि चीनले कोरोना महामारिको जोखिमका कारण भन्दै सीमा नाका खोल्न मानेको थिएन । अब भने तातोपानी नाका निर्वाध रुपमा सञ्चालनमा आउने विश्वास गरिएको छ ।

कोरोना कहरमा ३२ देशबाट स्वदेश फर्किए १ लाख २३ हजार ४१२ नेपाली

Previous article

काठमाडौं उपत्यकामा ८ सय ४३ कोरोना संक्रमित थपिदा देशभर १ हजार ९५४

Next article

You may also like

More in अर्थ