पर्यटनप्रमुख समाचारब्रेकिंग न्युजसमाचार

दशैंमा मन्दिर तथा शक्तिपिठ सुनसान,भक्तजन बाहिरबाटै फर्किदैं

0

काठमाडौं । कोरोना संक्रमणको जोखिमका कारण गत चैतदेखि बन्द भएका शक्त्तिपीठहरु कार्तिक १ घटस्थापनाको दिनबाट खुल्ने भनिए पनि अधिकांश मन्दिर बन्द नै रहेका छन् । हिन्दु नेपालीहरुको महान चाड बडा दशैंको आज छैटौं दिन । आज माता कात्यायनी भगवतीको पूजा गरिंदैछ । कात्यायनी भगवतीलाई साहसको प्रतीक मानिन्छ । यज्ञयज्ञादि, दान लगायतका पुण्यकर्म तथा शुभकार्य गर्दा आसुरीवृत्तिका राक्षसहरुबाट हुने विघ्न बाधा रोक्न देवी कात्यायनीको यस लोकमा आगमन भएको धार्मिक ग्रन्थहरुमा उल्लेख छ । देवकार्य सिद्ध गर्नका लागि माता भवानी स्वयंम् कात्यायन ऋषिको आश्रममा जन्म भएकी थिइन् । उनले कात्यायन ऋषिकी पुत्री हुन स्वीकार गरेकी थिइन् ।

राजर्षी जनककी पुत्री जानकी भएझैं कात्यायन ऋषिकी पुत्री कात्यायनी नामले लोकमा प्रसिद्ध भएकी हुन् । माता कात्यायनीको शारीरिक वर्ण सुन्तला रङको रहेको धर्मशास्त्रमा वर्णन गरिएको छ । तर, अहिले पुजाआजा गर्न गएका भक्तजनहरुलाई कोराना भाइरसको सक्रमणका कारण मन्दीर प्रबेशमा कडाई गरिएको छ । तर, मन्दीर खुला रहेपनि भित्रभन्दा बाहिरबाटै पुजा गर्ने व्यस्वस्था मन्दीर व्यवस्थापकले गरेको छ । दशैँको बेला विभिन्न देवीदेवताहरुको विषेश पुजा हुने भएकाले शक्त्तिपीठहरु खोल्ने तयारी रहेको मन्दिर पनि खोल्न नपाएको मन्दिर व्यबस्थापनले बताएका छन् ।

मैतिदेवि मन्दिर क्षेत्र प्रबन्ध समितिका सचिव राजाराम कपालीले दशैँको बेलामा बिषेश पुजाआजा हुने भएकाले कात्तिक १ गते नै सवै मन्दिर खोल्ने तयारी गरिएपनि प्रहरीले खुला गर्न नदिएको गुनासो गरे । स्थानीय भक्तजनहरुको आग्रहमा घटस्थापनादेखि भीडभाड नहुने र स्वास्थ्यकालागि सवै मापदण्ड पुरा गरी भक्तजनहरुका लागि खुल्ला गरिएको मन्दिरमा अहिले सामान्य विधि बाहेक अन्य पुजाआज गर्न ठप्प नै रहेको सचिब कपालीले बताए ।

पुजारीहरु गत बर्ष मन्दिरमा पुजा गर्न भ्याइनभ्याई हुन्थ्यो यो बर्ष भने काम नभएर बसीरहेको बताए । स्वास्थ्य भन्दा ठुलो केही हैन भन्दै अहिले मठमन्दिर खोल्न नहुने उनको धारण रहेको छ । भन्द्रकाली मन्दिरमा भने भक्तजनको चहलपल अलि बढी नै रहेको छ । अन्य स्थानमा रहेका मन्दिर खोल्ने निर्णय गरिएको भएपनि मठमन्दिरमा भीडभाड हुने भएकाले सरकारले अहिलेसम्म नित्यपुजा बाहेक सर्वसाधारणका लागि मन्दिर खोल्ने निर्णय गरिसकेको छैन ।

एकैदिन ३ हजार ६३७ जनामा कोरोना संक्रमण,कोरोना जित्नेको संख्या एक लाख नाघ्दा ८१२ जनाको मृत्यु

Previous article

भारतीय गुप्तचर रअको नेपाल भ्रमणले राजनीतिमा खैलाबैला 

Next article

You may also like