देश/दुनियाँब्रेकिंग न्युजसमाचार

काठमाडौं उपत्यकासहित देशका अधिकांश स्थानमा भारी वर्षा

0

काठमाडौं । उपत्यकासहित देशका अधिकांश स्थानमा गएराति देखि नै भारी वर्षा भइरहेको छ । भारतको छत्तिसगढको उत्तरी क्षेत्रमा रहेको न्युन चापीय क्षेत्र पश्चिम–उत्तरपश्चिम सर्दै गरेको र यसैको प्रभावका कारण नेपालका अधिकांश स्थानमा सामान्य देखि पूर्ण बदली रही धेरै स्थानहरुमा हल्का देखि मध्ययम वर्षा भईरहेको जल तथा मौसम पूर्वानुमान महाशाखाले जनाएको छ ।

बुधबार दिउँसो देशभर सामान्य देखि पुर्णतया बदली रही अधिकांश स्थानमा मेघगर्जनसहित हल्का देखि मध्यम वर्षाको सम्भावना रहेको महाशाखाले जनाएको छ । प्रदेश १, प्रदेश २, बाग्मती प्रदेश, गण्डकी प्रदेश र प्रदेश ५ का १–२ स्थानहरुमा भारी वर्षाको सम्भावना रहेको छ । यस्तै बुधबार राति पनि देशभर सामान्य देखि पूर्णतया बदली रही धेरै स्थानहरूमा मेघगर्जनसहित हल्का देखि मध्यम वर्षाको सम्भावना रहेको छ ।

प्रदेश १, बाग्मती प्रदेश, गण्डकी प्रदेश, प्रदेश नं ५ र कर्णाली प्रदेशका १–२ स्थानहरुमा भारी वर्षाको समेत सम्भावना रहेकाले सर्तक रहन मौसमविद्हरुले आग्रह गरेका छन् ।

कोरोनाको बाहनामा लुट : स्वदेश फर्कन पनि कमिसन दिनुपर्ने ?

Previous article

कोरोना परीक्षणबिनै एकसातामा काठमाडौं उपत्यकामा भित्रिए १ लाखबढी मानिस

Next article

You may also like