जनगुनासोदेश/दुनियाँब्रेकिंग न्युजसमाचार

प्राकृतिक प्रकोपले ५ महिनामा ३७४ को मृत्यु,जोखिम वस्ती सुरक्षित गर्न संसदिय समितिको निर्देशन

0

काठमाडौं । प्राकृतिक प्रकोप बाढी, पहिरो र चट्याङका कारण नेपालमा बैशाखयता ४९ जिल्लाका ३ सय ७४ जनाले ज्यान गुमाएका छन् । गृहमन्त्रालयले दिएको जानकारी अनुसार प्राकृतिक प्रकोपमा परेर एक सयभन्दा बढी बेपत्ता भएका छन् । २०७७ वैशाखयता प्राकृतिक प्रकोपका कारण ठूलो जनधनको क्षति भएको छ ।

गृहमन्त्री रामबहादुर थापाले बाढीका कारण हुने क्षति विगतका वर्षभन्दा कम भएपनि पहिरोका कारण देशले ठूलो क्षति व्यहोर्नुपरेको जानकारी दिए । पछिल्लो पाँच महिनामा पहिरोबाट २७१ ज्नाले ज्यान गुमाउँदा ६२ जना पहिरोमा परेर बेपत्ता भएका छन् । २०६ जना घाइते भएका छन् । । बाढीबाट देशका विभिन्न जिल्लामा ३९ जनाको मृत्यु भएको छ भने ३६ बेपत्ता र १२ जना घाइते छन् ।

चट्याङबाट ६४ जनाको मृत्यु हुँदा २ सय ३ जना घाइते बन्नु परेको छ । बाढी र पहरोमा परेर बेपत्ता भएकाको शव लामो समयसम्म नभेटिदा उनीहरूको मृत्यु भइसकेको हुनसक्ने आँकलन गृह मन्त्रालयले गरेको छ । मनसुनका कारण उत्पन्न भएका प्राकृतिक प्रकोपबाट प्रभावित जिल्लाको संख्या ४९ रहेको छ ।

प्राकृतिक प्रकोपबाट पूर्ण क्षति भएका घरहरूको संख्या ४ सय ८२ रहेको तथा विपद् जोखिम व्यवस्थापन कोषबाट निकासा गराएर ५ करोड ६९ लाख राहत रकम तत्काल उपलब्ध गराइएको गृह मन्त्रालयले जनाएको छ । ६ महिना भित्र जोखिमका बस्ती सुरक्षित गर्न संसदिय समितिको निर्देशन प्रतिनिधिसभाको राज्य व्यवस्था तथा सुशासन समितिले सरकारलाई बाढी पहिरोको जोखिममा रहेका बस्तीहरु ६ महिना भित्र पहिचान गरी सुरक्षित स्थानमा एकीकृत वस्तीका रुपमा बसाउन निर्देशन दिएको छ ।

समिति सभापति शशी श्रेष्ठले संघ, प्रदेश र स्थानीय तहका सरकार तथा सरोकारवाला निकायबीच समन्वय गरी बाढी पहिरो एवं विपदबाट प्राभवितहरुलाई राहत दिनुपर्ने र भोलि समस्या नदोहोरिनेगरि बस्ती सुरक्षित ठाउँमा सार्न पहल गरिएको जानकारी दिइन् ।

यसबर्ष बाँडियो ५ सय ९४ जनालाई मानपदवी, अलंकार र पदक

Previous article

एकैदिन १ हजार २ सय ४ जनामा कोरोना संक्रमण, ११ जनाको मृत्यु

Next article

You may also like