देश/दुनियाँब्रेकिंग न्युजसमाचारस्वास्थ्य

एक सातामा विदेशमा मात्रै ४३ नेपालीको कोरोनाबाट ज्यान गयो, साउदीमा ६० शव अलपत्र

0

काठमाडौं । कोरोना भाइरसको विश्वव्यापी महामारीका कारण विदेशमा यो साता मात्र थप ४३ जना नेपालीको मृत्यु पुष्टि भएको गैरआवासीय नेपाली संघ नेपाली संघ (एनआरएनए) ले जनाएको छ । गत मार्च महिनायता साउदी अरबमा मात्रै ४१ जनाको मृत्यु भएको गैरआवासीय नेपाली संघ अन्तर्गतको स्वास्थ्य समितिले उल्लेख गरेको छ । योसँगै साउदी अरबमा मात्रै संक्रमणका कारण निधन हुने नेपालीको संख्या ५२ जना पुगेको साउदी अरबका लागि नेपाली राजदूत डाक्टर महेन्द्र सिंह राजपुतले जानकारी दिए ।

यो साता कतारमा पनि थप २ जना नेपालीको कोरोना संक्रमणका कारण मृत्यु भएको छ । योसँगै शनिवार साँझसम्म विदेशका विभिन्न १६ देशमा संक्रमणका कारण मृत्यु भएका नेपालीको संख्या २ सय ४३ पुगेको स्वास्थ्य समितिका संयोजक संजीव सापकोटाले जानकारी दिए । कोरोना भाइरसका कारण हालसम्म बेलायत, युएई, साउदी अरब, बहराइन, कुवेत, कतार, आयरल्याण्ड, जापान, टर्की, नेदरल्याण्ड, स्वीडेन, भारत, दक्षिण अफ्रिका लगायत १६ देशमा रहेका नेपालीहरुले ज्यान गुमाएका छन् ।

कोरोना भाइरसको संक्रमणपछि भएको विश्वव्यापी लकडाउनका कारण विदेशमा अलपत्र परेका, आफन्तकोमा गएर उतै रोकिएका र अन्य विविध कारण स्वदेश फर्कन नपाएका नेपालीको उद्धार कार्य जारी छ । हालसम्म गैरआवासीय नेपाली संघ, नेपाल सरकारका विदेशस्थित दूतावास तथा नियोगहरुको संयुक्त पहलमा ३० देशमा रहेका ६१ हजार ७ सय १० जना नेपालीको उद्धार गरिएको छ ।

साउदीस्थित नेपाली राजदूताबासका अनुसार साउदी अरबमा कोरोना लगायत अन्य विभिन्न कारणले मृत्यु भएका ६० जना नेपालीको शव नेपाल ल्याउन बाँकी छ । साउदी अरबका लागि नेपाली राजदूत डाक्टर राजपुतले ती शव नेपाल पठाउने प्रक्रियामा रहेको जानकारी दिएका छन् ।

प्रधानमन्त्री ओलीले कार्यान्वयन गर्लान् सहमति

Previous article

कतै तपाईले विषाक्त स्यानिटाइजर त प्रयोग गर्नुभएको छैन् ?

Next article

You may also like