प्रमुख समाचारब्रेकिंग न्युजसमाचारस्वास्थ्य

अहिले सम्मकै उच्च संक्रमण: काठमाडौं उपत्यकामा ३७७, देशभर १ हजार १११

0

काठमाडौं । नेपालमा कोरोना भाइरस संक्रमणदर अहिलेसम्मकै उच्च देखिएको छ । पछिल्लो २४ घण्टामा देशभर १ हजार १ सय ११ जनामा कोरोना भाइरस संक्रमण देखिएको छ । देशभरका प्रयोगशालामा १२ हजार ६ सय २९ नमुना परीक्षण गर्दा ३ सय ३४ महिला र ७ सय ७७ पुरुषमा संक्रमण पुष्टि भएको हो ।

काठमाडौं उपत्यकामा पनि एकैपटक हालसम्मकै धेरै जनामा कोरोना संक्रमण पुष्टि भएको छ । उपत्यकमा ३ सय ७७ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । संक्रमितमा काठमाडौंमा मात्रै २ सय ७० जना रहेका छन् भने ललितपुरका ६६ र भक्तपुरमा ४१ जना रहेका छन् । पछिल्लो एक सातायता राजधानीमा निषेधाज्ञा जारी गरिएको भएपनि संक्रमितको संख्या भने बढिरहेको छ । यसँगै देशभर कोरोना संक्रमितको कुल संख्या ३५ हजार ५ सय ३९ पुगेको छ ।

पछिल्लो २४ घण्टामा कोरोना निको भएर ५ सय ६९ जना घर फर्किएका छन् भने यससँगै निको हुनेको कुल संख्या २० हजार ७३ पुगेको छ । यस्तै हालसम्म देशभर सक्रिय संक्रमितको संख्या १५ हजार २ सय ७३ रहेको छ । बुधबार पनि उपत्यकामा ३०१ जनामा संक्रमण पुष्टि भएको थियो ।

यस्तै, एकैदिन कोरोनाबाट देशभर थप ८ जनाको मृत्यु भएको छ । ललितपुरकी ६५ वर्षीया महिला, बाराकी २३ वर्षीया महिला, कास्कीकी ३२ वर्षीया महिला, रुपन्देहीकी ७० वर्षीया महिला, बाँकेकी ७० वर्षीया महिला, काठमाडौँका ४८ वर्षीय पुरुष, पर्साका ६२ वर्षीय पुरुष र कपिलवस्तुका ५० वर्षीय पुरुषको कोरोनाबाट मृत्यु भएको स्वास्थ्य मन्त्रालयले जनाएको छ। यससँगै नेपालमा कोरोनाबाट ज्यान गुमाउनेको संख्या १ सय ८३ पुगेको छ।

राजनीतिक नियुक्तिले उब्जाएको प्रश्न ? योग्यता होइन आफन्त, नातागोता र बिचौलिया हालिमुहाली

Previous article

एकैदिन कोरोनाबाट १२ जनाको मृत्यु, थपिए ९२७ संक्रमित

Next article

You may also like