जीवनशैलीप्रमुख समाचारब्रेकिंग न्युजसमाचार

खल्लो तीज,घर–घरमै मनाइयो, कोठामै नाचियो

0

काठमाडौं । भाद्र शुक्ल तृतीयाका दिनमा मनाइने हरितालिका तीज पर्व आज महादेवको पूजा आराधना गरी मनाइएको छ । आजको दिन व्रत बसी शिव–पार्वतीको पूजा उपासना गरेमा सुख, शान्ति र परिवारको कल्याण हुने धार्मिक विश्वास छ । तर पनि कोरोना महामारीले पशुपति लगायतका शिवालय बन्द रहदा पहिलो पटक घर–घरमा बसेर तीज मनाएका छन् । सत्ययुगमा आजैको दिन निराहार व्रत बसी पार्वतीले महादेव स्वामी पाएको धार्मिक विश्वाससहित भाद्र शुक्ल तृतीयाका दिनमा तीज पर्व मनाउने परम्परा रहेको छ ।

आजको दिनमा शिव–पार्वतीको पूजा, उपासना गरेमा सुख, शान्ति र परिवारको कल्याण हुने धार्मिक विश्वासका कारण देशभरका शिवालयमा हिन्दु नारीहरुको भीडभाड हुने भएपनि कोरोना महामारीका कारण सुनशान थियो । कोरोना भाइरस संक्रमणको जोखिमका कारण यस वर्ष तीजमा सामूहिक भेला हुन रोक लगाइएपछि व्रतालुहरु डराई डराई छिटपुट रुपमा शिवालय पुगेका थिए । श्रीमानको अटल सौभाग्यको कामना, सन्तान प्राप्तिका लागि, अविवाहित केटी एवं केटाहरुले असल वर र बधु प्राप्तिका लागि पनि तीजको व्रत बस्ने शास्त्रीय विश्वास रहेको छ ।

मनोकामना पूर्ण गराउने र सम्पूर्ण परिवारको कल्याणका लागि तिजको व्रत बस्ने धार्मिक बिश्वासलाई हिन्दु नारिहरुले जजस्ता अभाव र समस्यामा पनि निरन्तरता दिदै आएका छन् । तिजको अघिल्लो दिन व्रतालुहरुले मीठा–मीठा परिकार दरका रुपमा खाई भाद्र शुक्ल तृतियाका दिन व्रतका लागि पूर्व तयारी गर्छन् । विशेषगरी माइती एवं दाजुभाइले छोरीचेली, दिदीबहिनीलाई बोलाई दर खुवाउने प्रचलन भएपनि कोरोना महामारीर सरकारबाट जारी निषेधाज्ञका कारण घरमै सिमित हुनुपरेको छ ।

तीजको अवसरमा महिलाहरुले वर्षदिनभर आफूलाई परेका दुःख, पीर, मर्कालाई गीतका माध्यमबाट सार्वजनिक पनि गर्दछन् । बिहीबार दर खाएपछि औपचारिक रुपमा शुरु हुने तीज पर्व ऋषि पञ्चमीसम्म मनाइन्छ । तृतीयाका दिन हरितालिका व्रत, चौथीका दिन गणेश भगवानको पूजा र पञ्चमीका दिन स्नान गरी अरुन्धती सहित सप्तऋषिको पूजा गरी तीज समापन हुन्छ ।

नेकपामा फेरि खटपट, नयाँ नियुक्ति खारेज गर्न दाहाल पक्षको माग

Previous article

भदौं १६ गतेबाट अन्तराष्ट्रिय उडान खुला

Next article

You may also like