प्रमुख समाचारब्रेकिंग न्युजसमाचार

कोरोना भाइरस फैलिएपछि सर्तकता अपनाइदैं, १४ जिल्लामा निषेधाज्ञा

0

काठमाडौं । बिभिन्न जिल्लामा कोरोना संक्रमण फैलिदै गएपछि स्थानीय तहले लकडाउन गर्न थालेका छन् । स्याङ्जामा कोरोना सङक्रमण बढेपछि जिल्ला प्रशासन कार्यालयले लकडाउन गरेको छ प्रमुख जिल्ला अधिकारी गंगाबहादुर क्षेत्रीले निकालेको सूचनामा साउन २९ गतेसम्म अत्यावश्यक बाहेकका वस्तु तथा सेवा प्रवाह नगर्न र नगराउन निर्देशन दिएका छन् । सार्वजनिक ठाउँमा मास्क नलगाउने, दूरी कायम नगर्ने, भेला, गोष्ठी, सेमिनार, भोजभतेरलगायतका काम गरेको भेटिए कारबाही हुने प्रशासनले जनाएको छ । नुवाकोटमा पनि आवागमनमा कडाइ र सार्वजनिक सेवा प्रवाह कटौती गरिएको छ ।

संकट व्यवस्थापन केन्द्रको बैठकले गरेको निर्णयअनुसार आजदेखि जिल्लाभित्र सञ्चालन हुने सार्वजनिक यातायातका गाडी अर्को निर्णय नहुँदासम्म सञ्चालनमा रोक लगाइएको छ । नुवाकोट र स्याङ्जासहित कोरोना संक्रमण बढेका १४ जिल्लामा निषेधाज्ञा जारी भएको छ । यतिबेला पर्सा, बारा, बाँके, सर्लाही, सप्तरीमा जिल्लाभर तथा धनुषा, मोरङ, महोत्तरी, झापा, सुनसरी, बझाङ र दार्चुलामा पनि कोरोना संक्रमण देखिएपछि निषेधाज्ञा जारी गरिएको छ ।

धनुषाको जनकपुर उपमहानगर र छिरेश्वरनाथ नगरपालिकाका केही क्षेत्र, मोरङको विराटनगर महानगर, महोत्तरी सदरमुकाम जलेश्वर आसपास, झापाका बिर्तामोड र अर्जुनधारा नगरपालिका, बझाङका थलारा गाउँपालिका–५ र केदारस्युँ गाउँपालिका–६ र ७ मा जिल्ला प्रशासन कार्यालयले निषेधाज्ञा लगाएका छन् । सुनसरीको धरान उपमहानगरपालिकाले पनि लकडाउन घोषणा गरेको छ । सरकारले देशभर लकडाउन नगर्ने, तर संक्रमण बढी देखिएका ठाउँमा लकडाउन गर्ने योजना बनाएको छ ।

नेपालमा कोरोनाबाट मृत्यु हुनेको संख्या ६६ पुग्यो

Previous article

फेरि बढ्यो सुनको मुल्य, प्रतितोला १ लाख ३ हजार ५ सय पुग्यो

Next article

You may also like