देश/दुनियाँप्रमुख समाचारब्रेकिंग न्युजसमाचार

अव सलह नेपालमा आउँदैनन्, झण्डै एघार सय हेक्टर कृषि बालीमा क्षति

0

काठमाडौं । सलहले नेपालमा झण्डै एघार सय हेक्टर कृषि बालीमा क्षति पुर्याएको छ । देशभर १ हजार ६३ हेक्टरको खेतीबालीमा क्षति पुर्‍याएको हो । प्रतिनिधिसभाको कृषि सहकारी तथा प्राकृतिक स्रोत समितिमा कृषि तथा पशुपन्छी विकास मन्त्रालयका सचिव राजेन्द्रप्रसाद भारीले मकवानपुर, दाङ, प्युठान र अर्घाखाँचीमा सलहले बढी क्षति पुर्‍याएको जानकारी गराएका हुन् । सलहले दाङमा ५८० हेक्टर, प्युठानमा २८३ हेक्टर, मकवानपुरमा १ सय हेक्टर र अर्घाखाँचीमा १ सय हेक्टर कृषिबालीमा क्षति पुगेको छ ।

त्यस्तै, सलह रोकथाम तथा व्यवस्थापन कार्यदलका संयोजक सहदेव हुमागाईंले हावाको गतिमा नाटकीय परिवर्तन नभए नेपालमा सलहको नयाँ झुण्ड आउन सक्ने सम्भावना नरहेको बताए । कार्यदलका संयोजक एवं प्लान्ट क्वारेन्टाइन तथा विषादी व्यवस्थापन केन्द्रका प्रमुख हुमागाईंले भारतको राजस्थानबाट हावाको गति दक्षिण तर्फ मोडिएकाले अब नेपालमा सलहको नयाँ झुण्ड आउने सम्भावना नरहेको जानकारी गराएका हुन् । उनले बिहीबार भारतको इटहवामा रहेको सलहको झुण्ड शुक्रबार भारतको मध्यप्रदेश तिर पुगेकाले नेपालमा आउने सम्भावना कम हुँदै गएको जानकारी दिए ।

भारतको इटहवा भैरहवा नाका देखि ५ सय किलोमिटर नजिक रहेको तर आज सलहको झुण्ड दक्षिणतर्फ लाग्दा ७ सय ६७ किलोमिटर टाढा पुगेको छ । मनसुन तथा हावाको दिशामा नाटकीय परिवर्तन नभए नेपालमा सलहको नयाँ झुण्ड आउन नसक्ने बताइएको छ । सलह नियन्त्रणका लागि रासायनिक विषादीको प्रयोग गर्न समस्या रहेको उनले बताए ।

मानव वस्तिको नजिक खेतबारी रहेकाले विषादी प्रयोग गर्न तत्काल सिफारिस गरिएको छैन् । तर, अन्तिम विकल्पको रुपमा विषादी प्रयोग गर्ने अवस्था आयो भने चार पाँच वटा विषादीलाई तयारी अवस्थामा राखिएको छ । उनले अहिले नेपालमा ६० लाख देखि ६५ लाखको संख्यामा नेपाल आइपुगेको र नेपालमा अण्डा पार्ने सम्भावना पनि नभएकाले सलहलाई आवाजको माध्यमबाट भगाउन सकिने बताए । असार १३ गते भारतबाट रुपन्देही हुँदै बारा, पर्सा, सर्लाही, मकवानपुर, सिन्धुली, पाल्पा सम्म पुगेको र तीन दिन भित्रमा कपिलवस्तु हुँदै दाङसम्म पुगेको छ ।

नेपालमा थप ७४० जनामा कोरोना पुष्टि, मृत्यु हुनेको संख्या ३२ पुग्यो

Previous article

केपीलाई एक्लो बनाएका प्रचण्ड, माधव, झलनाथ र बामदेवको गठबन्धन कति टिक्ला ?

Next article

You may also like