प्रमुख समाचारब्रेकिंग न्युजराजनीति

हतार–हतारमा संसद अधिबेशन अन्त्य,पार्टीको आन्तरिक कलह र दम्भले निम्त्याएको प्रश्न ?

0

काठमाडौं । प्रधानमन्त्री निवास बालुवाटारमा बिहिबार बिहान ११ बजे नेकपाको स्थायी कमिटि बैठकको चहल–पहल सुरु भइसकेको थियो । तर, प्रधानमन्त्री केपी शर्मा ओली भने आकस्मिक मन्त्रीपरिषद् बैठक बोलाएर राष्ट्रपति बिद्यादेबी भण्डारीलाई भेट्न शितल निवास पुगे । राष्ट्रपति भण्डारीसँगको छलफलपछि प्रधानमन्त्री ओली आकस्मिक बोलाइएको मन्त्रिपरिषद् बैठकमा सहभागि त्यो पनि संघीय संसदका दुबै अधिबेशन अन्त्यको एजेण्डा लिएर । केहीबेर बसेको मन्त्रिपरिषद बैठकले संघीय संसदका दुबै बर्षे अधिबेशन अन्त्यका लागि राष्ट्रपतिलाई सिफारिस गर्ने निर्णय गर्यो । लगत्तै मन्त्रिपरिषद्को सिफारिसमा राष्ट्रपति विद्यादेवी भण्डारीले बिहीबार साँझ ५ बजेदेखि लागू हुने गरी संसद अधिवेशन अन्त्य गरेको जानकारी संसद सचिवालयलाई गराइन ।

सरकारले अचानक संघीय संसदका चालू अधिबेशन अन्त्य गरेको छ । प्रतिनिधि सभाका सभामुख अग्निप्रसाद सापकोटासँग समेत परामर्श नगरी सरकारले बर्षे अधिबेशन अन्त्य गरेपछि अनेकौं अड्कलबाजी सुरु भएको छ ।

पार्टीभित्रैबाट सरकारको आलोचना सुरु भएपछि त्यसको सामना गर्नुभन्दा अधिबेशन नै अन्त्य गर्ने कदम चालेको बिश्लेषण हुन थालेको छ । असार २२ गतेका लागि प्रतिनिधिसभा बैठक बोलाएका सभामुख अग्निप्रसाद सापकोटासँग सरकारले कुनै सल्लाह नै गरेन । प्रमुख प्रतिपक्षी नेपाली कांग्रेसले पनि आफूहरूसँग परामर्श नै नगरी अधिवेशन अन्त्य गरेकामा आपत्ती जनाएको छ । हतार–हतारमा प्रधानमन्त्री ओली किन संघीय संसदका दुबै अधिबेशन अन्त्य गर्ने निर्णयमा पुगे । त्यो भने खुल्न सकेको छैन् । संसद सचिवालयले भने चालु अधिवेशन कम्तीमा असार महिनासम्म लम्बिने बताउँदै आएको थियो । नागरिकता विधेयक, निजामती कर्मचारीको सेवा शर्त सम्बन्धी विधेयक यही अधिवेशनबाट पारित गर्ने तयारी थियो । तर, सरकारले संसदको बिजनेसको ख्यालै नगरी अन्त्यको सिफारिस गर्नुको पछाडिको कारण खुलाएको छैन् ।

कोरोना महामारीकै बीच संसद अधिवेशन वैशाख २६ गते सुरु भएको थियो । नीति तथा कार्यक्रम, बजेट पारित बर्षे अधिबेशनबाट भएको थियो । पाटीभित्रै प्रधानमन्त्री ओलीको राजीनामा माग्नु र संसदमा समेत सरकारमाथि प्रश्नै प्रश्न उब्जाउनुले पार्टीको आन्तरिक कलह र दम्भमा संसद अधिवेशन अन्त्य गरेर सरकार जनताको समस्या सुन्नबाट भाग्न खोजेको टिप्पणी हुन थालेको छ ।

देशका ५२ जिल्लामा फैलियो सलह, नेपाल छिरेका करिव ३५ लाख सलहले मकै, तरकारी र केरा नष्ट

Previous article

पिसिआर परिक्षण घट्दा संक्रमितको संख्या पनि घट्यो

Next article

You may also like