प्रमुख समाचारब्रेकिंग न्युजराजनीतिसमाचार

कोरोना जित्ने उत्तम उपाय औषधीय गुणयुक्त आहार, व्यायाम र उच्च मनोस्वास्थ्यः प्रधानमन्त्री

0

काठमाडौं । प्रधानमन्त्री केपी शर्मा ओलीले कोरोना भाइरसको महामारीसँग जुध्न औषधीय गुणयुक्त आहार, व्यायाम र उच्च मनोस्वास्थ्य महत्वपूर्ण विषय रहेको पुनः दोहोर्याएका छन् । छैटौँ अन्तर्राष्ट्रिय योग दिवसका अवसरमा आइतबार जारी गरिएको शुभकामनामा प्रधानमन्त्री ओलीले योग र वानस्पतिक औषधीय वस्तुको प्रयोगमा जोड दिएमात्र निरोगी नेपालको उद्देश्य पूरा गर्न सक्ने दोहोर्याएका हुन् । उनले समृद्ध नेपाल सुखी नेपाली सरकारको राष्ट्रिय आकांक्षा रहेकाले त्यो पूरा गर्ने आधारका रूपमा शारीरिक एवं मानसिक रुपले स्वस्थ्य र निरोगी नागरिक हुनुपर्ने बताए ।

प्रधानमन्त्री ओलीले योग साधना र अभ्यासलाई आफ्नो जीवनशैली बनाएर आरोग्य प्राप्त गर्न सबैमा आह्वान समेत गरेका छन् । सन् २०१५ बाट संयुक्त राष्ट्रसंघले अन्तर्राष्ट्रिय योग दिवस मनाउन सुरु गरेपछि विश्वभर जुन २१ लाई योग दिवसका रूपमा मनाइँदै आएको छ । तनाव, अवसाद, द्वेष, ईष्र्या र निन्दाका दुष्प्रभावबाट मुक्त गर्दै समाजलाई स्वस्थ, खुशी र सकारात्मक मनोचेतनाले कोरोनालाई जित्न सकिने प्रधानमन्त्री ओलीको भनाई छ । सन्देशमा ओलीले योग साधना हाम्रो प्राचीन सभ्यताको मौलिक उपज रहेको भन्दै मानसिक अन्तर्यात्रामार्फत शारीरिक तथा मानसिक स्वास्थ्यको अध्ययन गर्ने योग शास्त्रको महत्व आधुनिक युगमा झनै मुखर भइरहेको बताएका छन् ।

स्वास्थ्य मन्त्रालय भन्छः भदौसम्म ३९ हजार कोरोना संक्रमित पुग्न सक्ने

Previous article

गण्डकी प्रदेशमा थपिए बिहानै १६ जना कोरोना संक्रमित

Next article

You may also like