प्रमुख समाचारब्रेकिंग न्युजसमाचार

हल्लै–हल्लामा काठमाडौं उपत्यकामा खुकुलो बन्यो लकडाउन, भिडियो र फोटोसहित

0

काठमाडौं । सरकारले कोरोना नियन्त्रण तथा रोकथामका लागि गरिएको लकडाउनको मोडालिटी परिवर्तन गरेसँगै काठमाडौं उपत्यकामा चहल–पहल ह्वात्तै बढेको छ । सडकमा नीजि तथा सरकारी सवारी साधन चापमा गुडिरहेका छन् भने चोक–चोकमा जाम देखिन्छ । दैनिक उपभोग्य सामग्रीका पसल मात्रै होइन फेन्सी तथा कस्मेटिक तथा हार्डवयरका पसलहरु पनि खुलेका छन् । तर, सरकारको आधिकारिक निर्णय नआएको भन्दै चोक–चोकमा सुरक्षाकर्मीले सवारी साधन रोकेपछि बादविवाद भएको थियो ।

पास विना सवारी साधन सञ्चालन गरेको भन्दै सुरक्षाकर्मीले सवारी साधन रोकेपछि सुन्धारा रत्नपार्क सडक अन्र्तगत बीरअस्पताल छेउमै सुरक्षाकर्मी र सर्वसाधारणबीच चर्काचर्की नै परेको थियो । सरकारले अहिलेसम्म लकडाउन खुकुलो बनाउने योजना सार्वजनिक गरेको छैन् । तर, सर्वसाधारण लकडाउन खुकुलो भयो भन्दै सडकमा निष्किएपछि सुरक्षाकर्मीलाई समाल्न नै गाह्रो परेको छ ।
बुधबार राति बसेको मन्त्रिपरिषद बैठकले लकडाउन खुकुलो पार्ने निर्णय गर्दै पसलहरु खोल्न दिने र सवारी साधनहरु जोर कि बिजोर प्रणालीका आधारमा चल्न दिने निर्णय गरेको थियो । त्यो निर्णय सुरक्षाकर्मीसम्म नपुग्दै बजारमा चहल–पहल बाक्लो देखिन्थ्यो । कतिपय ब्यवसायी त आफनो छेउछाउमा पसल धमाधम खुलेको थाहा पाएपछि आफूपनि पसल खोल्न ८० दिनपछि आएको बताउँदै थिए । काठमाडौं उपत्यकामा चहल–पहल बाक्लिएको छ ।

८० दिनसम्म लकडाउनमा घरभित्रै बसेका सर्वसाधारण तथा ब्यवसायीहरु बाहिरिएपछि चहल–पहल बाक्लिएको हो । तर, चलेका नीजि सवारी साधन हुन् या खुलेका ब्यवसाय कोरोनाबाट बच्न सर्तकता अपनाएको भने देखिएन ।

बिहीबार बिहानैदेखि काठमाडौंका सडक पेटीका पसलहरु समेत खुल्न थालेका छन् । देशका बिभिन्न जिल्लामा कोरोना संक्रमितको संख्या घट्नुको सट्टा दैनिक बढिरहेका छन् । कोरोना रोकथाम र नियन्त्रणका लागि गरिएको लकडाउनको मोडालिटी फेरिनु सकरात्मक कुरा हो । तर, सडक तथा पसलहरुमा न त भौतिक दुरी कायम भएको देखिन्छ न त स्वास्थ्य सकर्तकताका लागि कुनै उपाय नै अबलम्बन गरिएको देखिन्छ । जसका कारण कतै काठमाडौं उपत्यकामा कोरोना संक्रमण ह्वात्तै बढ्ने त होइन भन्ने त्रास फैलाएको छ ।

मौसम परिवर्तनसँग कोरोना भाइरसको कुनै सम्बन्ध छैनः डब्ल्यूएचओ

Previous article

अव नीजि सवारी साधन चल्ने, दुई सिप्टमा कार्यालय खुल्ने

Next article

You may also like