देश/दुनियाँप्रमुख समाचारब्रेकिंग न्युजसमाचार

कोरोनाबाट मृत्यु हुनेको संख्या ११ पुग्यो, सुर्खेतमा मृत्यु भएका युवकमा कोरोना पोजेटिभ

0

सुर्खेत । जिल्लामा आरडीटी नेगेटिभ आएपछि क्वारेन्टिनबाट घर फर्किएका युवकको कोरोनाले मृत्यु भएको पुष्टि भएको छ । बिहीबार बिहान मृत्यु भएका पञ्चपुरी नगरपालिका–१ हाँसेका २० वर्षीय युवकको मृत्युपछि पीसीआर जाँच गर्दा पोजेटिभ आएपछि कोरोनाले मृत्यु भएको पुष्टि भएको हो । ती युवकको स्वाबको रिपोर्ट शुक्रबार बिहान २ बजे पोजेटिभ आएको कर्णाली प्रदेशका सामाजिक बिकास मन्त्री दल रावलले जानकारी दिए । जेठ ७ गते भारतबाट आएका उनी जनता मावि विद्यापुरको क्वारेन्टिनमा बसेका थिए ।

आरडीटी जाँच गर्दा नेगेटिभ आएपछि २१ गते दिउँसो घर गएका उनको सोही दिन राति मृत्यु भएको थियो । मृत्यु भएपछि पीसीआर जाँचका लागि बिहीबार नै स्वाब संकलन गरी सदरमुका वीरेन्द्रनगर पठाइएकोमा राति नै रिपोर्ट पोजेटिभ आएको हो । मृतक युवकको शवलाई प्रहरीले सुरक्षा दिइरहेको र दाहसस्कारका लागि वीरेन्द्रनगरबाट सेनाको टोली पठाउने तयारी गरिएको छ । योसँगै नेपालमा कोरोनाले मृत्यु हुनेको संख्या ११ पुगेको छ भने कर्णालीमा मात्रै दुई पुगेको छ । यसअघि दैलेखमा क्वारेन्टाइनमै मृत्यु भएका युवकमा पनि कोरोना पुष्टि भएको थियो ।

लकडाउनको मोडालिटी बनाउने जिम्मा उच्चस्तरीय समितिलाई

Previous article

आज दिनभर पानी पर्ने, यस्तो छ प्रदेशगत मौसमको अवस्था

Next article

You may also like